SOOLLA 124 - Boy Lonana

Gi deɓ Lona kay njun mamba

¹ Soolla suu tuɗ luu ma vi Lonna gaɗta, vi David. Lini Yawe ay u aygiɗi ni, suu Israelna a di ni na,

² Lini Yawe ay u aygiɗi ni, hu li ma suuna mba dukuygina,

³ u hurusi ma yara egeygina, asi ndak ligiygi ki hurusi iiriya.

⁴ Mbo ɓaɗna ndak yowoygi ki lay, mbo lum ŋgolna baaygi ki lay,

⁵ aygi hin ba ki ginni duk mbo lum ma ɓaɗ cocona.

⁶ Gi deɓ Yawe, kay nam hiniygi ka a asi lasaygiɗi.

⁷ Aygi suɗ ay ki ko ndal laygina, suɗ ki ko bayra vi suu ndonda na, bayra ja kiyo, aygi suɗ ki wa.

⁸ Va ma njunuygina ni sem Yawe, ma li huulona li ndaŋgarana lay.