SOOLLA 122 - Boy Lonana

Furira kay zi ma Yerusalemma

¹ Soolla suu tuɗ luu ma vi Lonna gaɗta, vi David. An furi cocoo hu li ma suuna dan ana, «Mbaygi hu Ziŋ Lonarana.»

² Cemi ami ka coli vun grek zi ma Yerusalemma.

³ Yerusalem, zi ma mini jivi cocona, ɦoŋzi ma mini eŋ ɦayna.

⁴ Njaf suu Israelna halaŋ ka ni huwa, ni njaf suu vi Yawena, ko gaɗta vi suu Israelna dira na kay a geleɗ sem Yawera.

⁵ Kay dlam mayra kaɓakŋa ka tini ni hu li namma, ni dlamba vi njaf suu vi mulna Davidna.

⁶ Joɓogi heɓpa ay kay zi ma Yerusalemma, ko banayaŋŋa lak vo u heɓpa may.

⁷ Ko heɓpa li vo hu gulumun maŋŋa, ko heɓpa li ha hu ziŋ mulnara.

⁸ Kay gorsenna u ndarayan suu poy ko tamina, an ndak di ana, «Ko heɓpa li ha vo varaŋu.»

⁹ Kay zi ma vi Yawe, Lo maynana, an minni jivi maŋga.