SOOLLA 121 - Boy Lonana

Yawe ni sa ma goloŋŋa

¹ Soolla suu tuɗ luu ma vi Lonna gaɗta. An tli irin kolo u ɦinira, sa ma njun kanna hin col ay ni arage?

² Njunda hin col ay ni ko Yawe, sa ma li huulona u ndaŋgarana.

³ Nam ka hiniŋ seŋ a daɓ vaɗi, ka sa ma juɓuŋ uŋŋa buu senɗi.

⁴ Ҥawaa nam ka buu senɗi, ka njuk senɗi lay, ni sa ma juɓ u suu Israelna.

⁵ Yawe ni sa ma goloŋŋa, Yawe ni ŋgus ma kaŋŋa, nam ka coli bikiŋ ma njufna.

⁶ Faali ni faɗta ka taŋgi, tilna ka li tuguɗii njeŋgeɗi lay.

⁷ Yawe hin goloŋ ko dla cora halaŋ, nam hin goloŋ iiri maŋga.

⁸ Yawe hin goloŋ hu tuɗta aŋ tuɗ koyra, u hoŋ maŋga ay vora lay, ha koyni gak gak u fokka lay a fafaɗta.