SOOLLA 12 - Boy Lonana

Cenda kay njundara

¹ Soolla vi sa ma fok suu gi soollana, soolla vi David gaɗ u diŋ ma zewem kalavandina.

² Yawe, njununu. Suu ɗegeena ka coco oloɗi. Duk suu warna halaŋ, suu li dlara jivira ka coco oloɗi.

³ Suuna kaboyna eg tasi cocoo, gegelay halni dlara ŋga tamba, suuna halaŋ hurusi ki ɓorowi na mbamba.

⁴ Ko Yawe bulum suu njaɗ njaɗta kaboyna kiyo, dug vun suu ganyamba ki may.

⁵ Asi di ana, «Ami ndak njaɗ dlara hurumi miniɗta, sa ma dooromi kaɗi, sa ma ndak a ɦeɓemina ni gege?»

⁶ Suu wihawra ka las cocoo, suu va ka kosiɗina ka yoora. Yawe di ana, «Cemi an col koloo, an suɗ suu asi ka lasasina kiyo.»

⁷ Boy ma vi Yawena ni boy ma gasina, nam ki teteɗ ko doonora, suuna yooroɗ ki u kura na. Ndaɗ ki teteɗ seɗ kiɗisiya.

⁸ Yawe, aŋ golomiya. Suɗumi ki ko suu co asina.

⁹ Suu cona ka poy ki hu lina halaŋ, asi ka viɗ suuna ki cocoo.