SOOLLA 114 - Boy Lonana

Soolla kay luu ma Pakŋa

¹ Hu li ma suu Israelna cuk ay ki hu Egipte, hu li ma goryoŋ Yakobma hin njaf suu co asina ha kina,

² goryoŋ Yudana mbuɗ ni Zi ma Teteɗna, suu Israelna mbuɗ halaŋŋi vi Bu Suuna.

³ Mbo lum ŋgolna wi na ni liŋ ki kosiya, mbo lum ma Yurdanna ka ɓaɗ oloɗi lay,

⁴ ɦinira weɗ fokosi ko timigiina na, li ma mbuy kolona mbuɗ ko ɦugunina na.

⁵ Mbo lum ŋgolna aŋ pii kay me ologe? Mbo lum ma Yurdanna aŋ ɓaɗɗi ni kay me ologe?

⁶ Ҥinira, ndak mbuɗ ko timigiina na kay me ologe? U agi li ma mbuy kolona mbuɗ ko ɦugunina na ni kay me ologe?

⁷ Ndaŋgara, dlak fok Bu Suuna kay nam ka tuɗ aya, fok Lo ma vi Yakobma,

⁸ nam sa ma mbuɗ gogoyra ki li ma mbona. Mbuɗ li ma deblekŋa ki mbo ma cira.