SOOLLA 113 - Boy Lonana

Geleɗ Jivira vi Lonara

¹ Halleluya. Agi suu sun Yawena, geleɗemu, geleɗegi sem Yawe.

² Ko sem Yawe fi geleɗta, cecemmi lay ha fok na gak gak.

³ Col ay u maɗina ta ta u fiɗigina geleɗ ni u sem Yawe.

⁴ Yawe kaki kay njaf suuna halaŋ, bibiŋil mamba ay kolo kay huulona na ɗow.

⁵ Sa ma tli tam u Yawe, Looyginana, ni gege? Nam ay kaki kolo huulona na day,

⁶ ka gol ay kaŋga kay ndaŋgara huulona u ndaŋgara lay.

⁷ Suu maŋi suu ay ga duk buɗnana nam yowosi ki koloo, nam taɗ suu hawra ay ki duk del buɗna.

⁸ Lakasi ki ko tasi u goryoŋ mulinana, u goryoŋ muli suu vi suu mamsinana.

⁹ Cara ka vuɗɗira nam mbuɗuɗ ki a cara zina, ndaɗ mbuɗ ki a su kemba hu ziiɗu. Halleluya.