SOOLLA 111 - Boy Lonana

Sunda Yawe laɗ duk suu Israelna

¹ Halleluya. An geleɗ Yawe u hurun halaŋ, hu tokka vi suu ɗegeena, hu li ma tokka ŋgolla lay, an geleɗemu.

² Sunda Yawe laɗta ndaɗ ŋgol cocoo, suu minimma halaŋ haɗ sun ndaɗta.

³ Sunda nam laɗta halaŋ ka tak ki kay ŋgol mamba, ɗegee mamba ka ni na din din.

⁴ Nam min ana humuygi gaygi kay dlaamba mbuɗ mbuɗta tew tew, Yawe nam jiviya wi hahaw suuna lay.

⁵ Sa ma lam ndaaramma nam ɦam tlesuu ɦurumusi ay fun duunana, humum ka gam kay galam mamba nam vaɗta tew tew.

⁶ Nam tak saɓak sun mamba ki maŋ suu mamsina, hu li ma nam ɦasi mbassa asi lak hura ki kay tasina.

⁷ Sunda nam laɗ u bik komba ni gasi u ɗegee, gaɗ mamba halaŋŋi gasi.

⁸ Ndaɗ ka ni na din din ka daɓbi, ka lini gasira u ɗegeera.

⁹ Suu mamsina nam buɗusi ay kiyo, vi galamba u asi a fafaɗta. Sem ki ni teteɗ dlam ŋgolo.

¹⁰ Mbeleŋ may ma ŋgolna ni ndaa ma lam u Bu Suunana. Suu ka lam ndaaramma halaŋ lak jiviya. Suuna geleɗem ha ni na gak gak.