SOOLLA 110 - Boy Lonana

Yawe u mul ma nam manamma

¹ Soolla vi David. Yawe di Bu Suuna manna ana, «Kak hu bik kon ma njufna, an cukuŋ suu babali maŋsina ki uŋ ga a gu ma aŋ tin seŋ kamma.»

² Aŋ, Yawe, ti mulla kay Siyon u zi ma daŋŋa lay, aŋ kak mulna kay suu babali maŋsina lay.

³ Hu li ma aŋ tuɗ duuna suu maŋsina tuɗ uŋ u furira. Suu maŋsina mbay egeŋ kay ɦinira teteɗta, ko ndal mbaɗagira gi maɗira na.

⁴ Yawe suu tam kiyo, nam ka hoŋ vunum daganɗi, «Aŋŋi a mul ŋgol ma li ɓivunna a fafaɗta, ni kay balam Melkisedek.»

⁵ Bu Suuna ka kay bik koŋ ma njufna, hu li ma hurum ɓeŋŋa, nam cuk mulina ki ga halaŋ.

⁶ Nam kaɓakŋa kay njaf suuna halaŋ, nam ci suuna ki cocoo, kay yam ndaŋgara halaŋŋi nam to yam suuna kiyo.

⁷ Muli suu nam manasina tuɗ hu voɗta ni ka ci yo ma ɗilina, asi ka furiya tli yasi koloo.