SOOLLA 11 - Boy Lonana

Li ma ŋgay ma jivina

¹ Soolla vi sa ma fok suu gi soollana, soolla vi David. Liin ma ŋgayra ni eg Yawe. Agi hin dan ana pii liŋŋa kolo kay ɦinira ko laygina na ni amege?

² Suu li dla cora ka gan gu mbuuru masira, asi tin mbuuru masira hu deŋeɗu, a mun suu hurusi ɗegeena, ay duk ndufunda.

³ U zi ma gii gaana li kaɗi ni, suu ɗegeena hin lini nanage?

⁴ Yawe ka hu ziimba teteɗta, dlam mamba mulla ka kolo huulona. Irim ka gol aya, nam ka wi sunda suu warna laɗta halaŋ.

⁵ Lona ka gol suu ɗegeena, u suu cona halaŋ, nam ka min sa ma li dla coraɗi.

⁶ Nam si mbo kura u suufra kay suu li dla cora. Nam kaasi ɓak masina ni u babaa ma kuna.

⁷ Kay Yawe ni ɗegee, nam minni sunda ɗegeera may, sa ma ɗegeena hin gol ii Lona.