SOOLLA 108 - Boy Lonana

Cenda kay njunda

¹ Soolla vi David.

² Hurun cuk ga wa Loonna, an min tan a gi soolla geleɗeŋga. Gola, aŋŋi bibiŋil manda.

³ Jew an a dliɗ ki kolo maɗira ni an bu diŋ manna, lina garaɗ ay ki ni u delenu.

⁴ Yawe, duk suuna halaŋ an gaŋ deɓ cocoo, an gi soolla geleɗeŋga duk njaf suuna halaŋ.

⁵ Kay ɗegee maŋga ŋgol su huulona, gasi maŋga tuɗ ta ta tew eg ɗugulla.

⁶ Lona tak ŋgol maŋga ay ki kolo huulona, bibiŋil maŋga ti kay yam ndaŋgara halaŋ.

⁷ Kay ana suu aŋ minisina suɗ kiyo, buɗusi ki u saɓak maŋŋa.

⁸ Lona ɓak ay hu Ziim ma Teteɗna ana, An su kasi wa, an hin ɓorow ii Sekem kiyo, an hin ŋga suu man suu hu Sukkotna.

⁹ Galaad ni manu, Manasse ni varan lay, Efrayimmi jumba kay yanda, Yuda ni tokolo manda.

¹⁰ Moab ni tassa ma an mbus tan huna, an cuk tuɓuru manda ni kay Edom, an bay eg suu Filistinna.

¹¹ Sa ma hin tuɗun hu ɦoŋzi ma saɓakŋa ni gege? Sa ma hin tinin ta ta Edomma ni gege?

¹² Lini aŋ Lona ma noyomi kina gawɗi su, ni Lona ma ka tuɗ u suu mami suu duuna oloɗina?

¹³ Mbay njun umi ko suu babali mamsina, kay njunda vi suu warna ka ndak a li vaɗi.

¹⁴ Ҥi, Lona, lini aŋ ka u amiya ni, ami ndak a su kay suu babali mamsina.