SOOLLA 101 - Boy Lonana

Mul ma Jivina

¹ Soolla vi David. An min gi soolla kay ɗegeera u gasira, an min luu ni kaŋu, Yawe.

² An min so tan a tuɗ hu voɗ maŋga ɗegee. Aŋ hin mbay egenni saɓage? Hu ziinni an wi yal ma ŋgom tanna, kak u hurun ɗegee.

³ An ka caa yan kay tlesuu hin ba kinaɗi, an ka min goɓ fulinaɗi, asi ka ndak a fi saɓakŋa kanɗi.

⁴ Suu hurusi cona ɦuɗ ha ki egenna day. An ka min dla coraɗi.

⁵ Sa ma tum u suuna ŋgay gumuna an hin seŋem vunumu. Ii mayra cora u huu ma mbambana, an ka min suu asinaɗi.

⁶ An hin ɓorow ii suu gasi suu ka hu mbassana kiyo, asina ni suu hin lak egenna. Sa ma poy mamba jivina, sa namma ni saan ma sunda.

⁷ Sa ma ganyam suunana, sa namma ka ndak kak varanɗi. Suu di dlara kaboyna ka col fokonɗi lay.

⁸ Hu buuna halaŋŋi an seŋ vun suu co suu hu mbas mandana kiyo, an bulumusi ki hu zi ma vi Yawena, asi suu li dla cora halaŋ.