SOOLLA 1 - Boy Lonana

MAGAARA JEWRA SOOLLA 1—41 Sa ma jivina u ma cona

¹ Furira ka kay sa ma ka vi vunum u suu li dla coraɗina, ka taɓ tam hu voɗta vi suu li sulukŋaɗi lay, ka kak u suu pan Lonaɗi lay.

² Na may nam minni gaɗta vi Yawera, saa kaɗ faali lay, njeŋge lay.

³ Sa namma ni ko gu ma pii doŋ lummana na, nam vuɗ vuɗummi hu liim tew tew. Humum ka yak kiɗi lay, dlara nam a laɗta halaŋŋi nam faɗu.

⁴ Suu hurusi cona ka na koɗi, asi ni ko barra semeɗna siiriɗ kira na.

⁵ Kay ndaɗta asi ka ndak a col fun ɓak ma vi Lonnaɗi, li ma suu ɗegeena tok huna suu cona liisina ha ka huɗi.

⁶ Kay Yawe wi voɗta vi suu ɗegeena. Voɗta vi suu li dla cora, tuɗusi ni hu li ma baasi kina.