NEHEMI 12 - Boy Lonana

Sem muli suu li ɓivunna u suu Levina

¹ Gola ni muli suu li ɓivunna u suu Levi suu mbay u Zorobabel ma goŋ Salatiyelna u Josuwe, Seraya, Irmeya, Ezra,

² Amariya, Maluk, Hatuk,

³ Sekaniya, Rehum, Meremot,

⁴ Ido, Ginetoy, Abiya,

⁵ Miyamin, Madiya, Bilga,

⁶ Semaya u Yoyarib, Yedaya,

⁷ Salu, Amok, Hilkiya, Yedaya, ni suu ŋgolo suu fok muli suu li ɓivunnana u gorsesina, hu cokira vi Josuwera.

⁸ Suu Levina ni, Yekua, Binuy, Kadmiyel, Serebiya, Yehuda, Mataniya, nam u gorsemma sunusi ni kay gi soolla geleɗta.

⁹ Bakbukiya u Unni, gorsesina fun sun masira gol u lina.

¹⁰ Yekua vuɗ Yoyakim, Yoyakim vuɗ Eliyasib, Eliyasib vuɗ Yoyada,

¹¹ Yoyada vuɗ Yonatan, Yonatan vuɗ Yadua.

¹² Hu cokira vi Yoyakimba muli suu li ɓivun suu ŋgolo suu malayaŋ zina ni, maŋ Seraya ni Meraya, maŋ Irmeya ni Hananiya,

¹³ maŋ Ezra ni Mekulam, maŋ Amariya ni Yehohanan,

¹⁴ maŋ Meliku ni Yonatan, maŋ Sebaniya ni Yosef,

¹⁵ maŋ Harimmi Adna, maŋ Merayot ni Halkay,

¹⁶ maŋ Ido ni Zekari, maŋ Ginetonni Mekulam.

¹⁷ Maŋ Abiya ni Zikri, maŋ Minyaminni, maŋ Moadiya ni Piltay,

¹⁸ Maŋ Bilga ni Sammua, maŋ Semaya ni Yehonatan,

¹⁹ Maŋ Yoyarib ni Matenay, maŋ Yedaya ni Uzi.

²⁰ Maŋ Salay ni Kalay, maŋ Amokŋi Eber

²¹ Maŋ Hilkiya ni Hasabiya, maŋ Yedaya ni Nataneyel.

²² Hu cokira vi Eliyasibpa, vi Yoyadara, vi Yohananda, vi Yaduara, suu Levina suu malayaŋ zina u muli suu li ɓivunna ɓiirisi sesi ki kaŋga ta ta tew ki hu tira Dariyus ma Persna ti mullara.

²³ Goryoŋ Levina, suu ŋgolo suu malayaŋ zina ɓiirisi sesi ki kaŋga hu magaara ndumba ta ta tew ki hu cokira vi Yohanan ma goŋ Eliyasibma.

²⁴ Suu ŋgolo suu fok suu Levi na ni Hasabiya, Serebiya u Yesua ma goŋ Kadmiyelna, vogosi ŋgurufi u gorsesina a gi soolla ko gaɗta David sana vi Lona ɦaɗta na, gegelay ni u ŋguyra sunda, gi solla geleɗta u gi deɓpa.

²⁵ Mataniya, Bakbukiya, Obadiya, Mekulam, Talmon u Akub suu gol u vun zira, hu li ma kak hu vun zira gagayra a goloɗ uɗta.

²⁶ Suu asina li sunda ay ni hu cokira vi Yoyakim ma goŋ Yesuana, goŋ Yosadakŋa, hu cokira vi Nehemi, mul ma ŋgolnara, hu cokira vi Ezdra, mul ma li ɓivun ma wi ɓiira.

Luu ma lam kay gulumun ma hoŋom mindana

²⁷ Kay luu ma lam kay gulumun ma Yerusalemma, asi tuɗ hal suu Levina ay ki hu lina halaŋ halaŋ a mbaasi ay ki Yerusalem a li luuna u furira, gi soolla geleɗta, bu tlesuu luuna uɗ may.

²⁸ Goryoŋ suu gi soollana tok tasi ay hu li ma ŋguy kay Yerusalemma day, ay hu ɦoŋzi ma ŋguy kay Netofana,

²⁹ Ay hu Bet-Gilgal day u ɦoŋzi ma bagi ma Gebana, ma Azmavetna, kay ana suu gi soolla min ziisi ki ni ŋguy kay Yerusalem.

³⁰ Muli suu li ɓivunna u suu Levina mbuɗ tasi ki teteɗ, mbuɗ suuna ki teteɗ, vun grekŋa u gulumunna lay.

³¹ An tuɗ suu muli suu vi Yudana ki kolo kay gulumunna. An ka ii suu gi soolla ki duk mba'. Taa dew tuɗ ki ii bik njuf kay gulumunna hu vun grek ma Zirgiɗna na.

³² Hosaya u nus muli suu vi Yudana tuɗ ŋgoorosi dagani.

³³ Azariya, Ezra, Mekulam,

³⁴ Yehuda, Benjamin, Semaya u Yirmeya,

³⁵ duk goryoŋ muli suu li ɓivunnana u tokolomma ni Zakari ma goŋ Yonatanna goŋ Semayana, goŋ Mataniyana, goŋ Mikayana, goŋ Zakurna, goŋ Azafna,

³⁶ u gorsemma Semaya, Azarel, Milay, Gilalay, Maay, Nataneyel, Yehuda, Hanani u tlesuu bu suu luu suu vi David sa ma vi Lonana. Ezdra, sa ma wi magaara gaɗta, tuɗ fokosiya.

³⁷ Hu vun grek ma Goloŋga fokosi na gay ni asi tew ki ni hu Ҥoŋzi Davidna kolo kay gulumunna kay zira vi Davidta ta ta tew ha ki hu vun grek ma Yona ma u maɗiina na.

³⁸ Suu gi soolla, suu a mbarana, tuɗ kay bik gul may. An tanda tuɗ ŋgoorosi dagan may, nus muli suu vi suunana kolo kay gulumunna, kolo kay zira fiyekka jojokka ta ta tew ki hu bubu gulumunna.

³⁹ Kolo kay vun grek ma vi Efrayimma, kay vun grek ma Basina, kay vun grek ma Kulufna, kay zira fiyekka vi Hananella, kay zira fiyekka vi suu Kisnara ta ta tew ki vun Grek ma Timigiinara. Ami col ki hu vun grek ma suuna kak hu a gol u zinana.

⁴⁰ Suu gi sool suu irisi ɓorowi mbana, col hu Ziŋ Lonara olo u an tanda may, nus suu kaɓak suu ay unna may.

⁴¹ Muli suu li ɓivunna ni, Eliyakim, Maseya, Miniyamin, Mikaya, Eliyohenay, Zakari, Hananiya u tokolomma may.

⁴² Maseya, Semaya, Elazar, Uzi, Yohanan, Malkiya, Elam u Ezer. Suu gi soolla tak tasi ay ki u delesira gi soolla u Izrahiya sa ŋgol masina may.

⁴³ Hu buu namma ni asi li ɓivun ma ŋgolona ɦay, li furira ɦay lay kay ana Lona ɦasi furira ŋgolla. Boyogina u kem gorira li furira lay, furira Yerusalemba hum ha ki hu lina day day lay.

Tlesuu hinisi maŋ muli suu li ɓivunna u suu Levina

⁴⁴ Hu buu namma ni njufiina tinisi ki a gol u zigini suu tlesuu hinisi ki a ɗokosi suu yowosi ay u nus vuɗ tlesuu jew nana a hin taa suu ay hu ɦoŋzi ma bagi ma ŋguy kay ɦoŋzinana ayra. Tlesuu gaɗta ŋgaasi ki maŋ muli suu li ɓivunna u suu Levinana. Gasi daŋ may ni Yuda li furira kay muli suu li ɓivunna u suu njun suu Levi suu ka li sundana.

⁴⁵ Suu vi u sunda laɗ kay Loosinara, sunda mbuɗ suuna ki teteɗta, hu li ma suu gi soolla ka tuɗ u gaɗta vi David u goromma Salomonda.

⁴⁶ Kay ana ay fok jew hu cokira vi David u Azaffa suu ŋgolo suu fok suu gi soolla kaa, suu gi soolla gi deɓpa u geleɗta maŋ Lonara.

⁴⁷ Gegelay ma Israelna hu cokira vi Zorobabel u Nehemira ɦal tlesuu ɦasi ki maŋ suu gi soolla u suu kak fun zira hu buuna tew tew, tlesuu hini ki maŋ muli suu li ɓivunna, suu Levina ɦal tlesuu hinisi ki maŋ muli suu li ɓivunna, goryoŋ Aaronna may.