NEHEMI 11 - Boy Lonana

Sem suu Juif suu hoŋ ay kak hu Yerusalemma

¹ Muli suu fok suunana kaki ni hu Yerusalem. Suuna usira hinda paɗ dewna a mba sa ay duk suu doogona dew a kak Yerusalem, ɦoŋzi ma teteɗna, suu hin ki dleeŋena kak ha ki hu ɦoŋzi ma bagina may.

² Suuna paɗ vunusi ki kay suu ɦal tasi ki u min masira a kak hu Yerusalemma halaŋ halaŋ.

³ Gola muli suu ay hu ɦoŋzi ma bagina mbay kak hu Yerusalemma. Suu daŋŋa hu ɦoŋzi ma vi Yudana a gasira ni Israel, suu Levina, muli suu li ɓivunna, suu li sunda, goryoŋ suu li sunda vi Salomonna kak ki ni gegelay hu liimma, hu ɦoŋziimma.

⁴ Goryoŋ Yudana u suu vi Benjamin suu ɦiw kak hu Yerusalem. Duk goryoŋ Yudana ni, Ataya ma goŋ Uziyana, goŋ Zekarina, goŋ Amariyana, goŋ Sefatiyana, goŋ Malalalel, duk goryoŋ Peresna,

⁵ Maseya ma goŋ Barukŋa, goŋ Kol-Hozena, goŋ Hazayana, goŋ Adayana, goŋ Yoyaribma, goŋ Zekarina, goŋ Silonina.

⁶ Goryoŋ Peresna halaŋ suu kak hu Yerusalemma ndumusi halaŋŋi 468, suu ndaki a duunana.

⁷ Gola ni sem goryoŋ Benjaminna, Salu ma goŋ Mekulamma, goŋ Yoedna, goŋ Padayana, goŋ Kolayana, goŋ Maseyana, goŋ Itiyelna, goŋ Yesayana.

⁸ Ŋgoo dagan Gabay u Salay suuna halaŋ 928.

⁹ Joel ma goŋ Zikrina ni saasi ma ŋgolna na ɗaŋŋi, Yehuda ma goŋ Hasenuana ni sa a mbana hu ɦoŋzi nammana.

¹⁰ Duk muli suu li ɓivunna ni, Yedaya ma goŋ Yoyaribma, Yakin,

¹¹ Seraya ma goŋ Hilkiyana, goŋ Mekulamma, goŋ Sadokŋa, goŋ Merayotna, goŋ Ahitubma, goŋ mul ma hu Ziŋ Lonara.

¹² Ko tasi u gorsesina li sunda hu Ziŋ Lonara ni 822, Adaya ma goŋ Yerohamma, goŋ Peleliyana, goŋ Amsina, goŋ Zekarina, goŋ Pasehurna, goŋ Malkiyana,

¹³ U gorsem suu malayaŋ zina ni 242. Amasay ma goŋ Azerelna, goŋ Azayna, goŋ Mesilemotna, goŋ Imerna,

¹⁴ U gorsesi suu duuna ni 128. Sa ŋgol masina ni Zabdiyel ma goŋ Hagedolimma.

¹⁵ Duk suu Levina ni Semaya ma goŋ Hasubma, goŋ Azrikamma, goŋ Hasabiyana, goŋ Bunina,

¹⁶ Sabetay u Yozabad duk suu ŋgolo suu fok suu levina, sunusi ni kay sunda ki kiɗik kay Ziŋ Lonara.

¹⁷ Mataniya ma goŋ Mikana, goŋ Zabdina, goŋ Azaf ma gijaŋ cenda jew giŋgiŋga. Bakbukiya ma kay cee gorsemma a mbarana, Abda ma goŋ Sammuana, goŋ Galalna, goŋ Yedutunna,

¹⁸ Suu Levina ay hu ɦoŋzi ma teteɗna halaŋŋi 284.

¹⁹ Suu kak fun zira ni Akub Talmon u gorsesi suu juɓ u vun grekŋa ni 172.

²⁰ U suu Israel suu hinna, muli suu li ɓivunna, suu Levina ay ki hu ɦoŋzi ma Yudana halaŋ, gegelay hu liim ma ti jona.

²¹ Suu li sunda ay kaki ni hu ŋgoo zi may ma Yerusalem ma ii ma mbayawna vi Ziŋ Lonara. Siha u Gisepa ay ni suu ŋgolo suu fok suu li sundana.

²² Sa ŋgol ma vi suu Levina ay hu Yerusalemma ni Uzi ma goŋ Banina, goŋ Hasabiyana, goŋ Mataniyana, goŋ Mikana duk goryoŋ Azafna. Asi ay ni suu gi soolla li sunda hu Ziŋ Lonara.

²³ Gasi daŋ may ni mulna ɦal gaɗta ki kay dlaasira, vi vunna ki kay suu gi soolla hu buuna tew tewna.

²⁴ Petahiya ma goŋ Mesezabelna, duk goryoŋ Zera ma goŋ Yudana ay kaki eg mul ma Persna kay dlara li eg suu Israelnara.

Bolow suu Juifna ki keŋ Yerusalem

²⁵ Keŋ ii zi ma bagina na ni, goryoŋ Yudana kak ki hu Kiriyat-Arba u ɦoŋzi ma ŋguy kamma, hu Dibon u ɦoŋzi ma ŋguy kamma, hu Yekab-Sel u ɦoŋzi ma egemma,

²⁶ Hu Yesua, hu Molada, hu Bet-Pelet,

²⁷ Hasar-Sual, hu Berseba u ɦoŋzi ma ŋguy kamma,

²⁸ hu Siklag, hu Mekona u ɦoŋzi ma ŋguy kamma,

²⁹ hu En-Rimmon, hu Sora, hu Yarmut,

³⁰ hu Zanoa, Adullam u ɦoŋzi ma ŋguy kasina, hu Lakis u ɦoŋziiɗ ma bagina, hu Azeka u ɦoŋzi ma ŋguy kamma. Asi vi kakka ay Berseba day ta ta tew ki hu ɦuɗugumba Hinnomba.

³¹ Goryoŋ Benjaminna kak ay hu Geba day, hu Mikmas, hu Aya, hu Betel u ɦoŋzi ma ŋguy kamma,

³² hu Anatot, Nob, Anoniya,

³³ hu Hasor, Rama, Gitaim,

³⁴ hu Hadid, Seboim, Nebalat,

³⁵ hu Lod u Ono, ɦuɗugumba vi suu li sundara.

³⁶ Duk suu Levina suu ɦiw ay hu li ma vi Yudana tuɗ hu li ma vi Benjaminna.