NEHEMI 10 - Boy Lonana

Suuna ɦal tasi ki a li u gaɗta

¹ Kay boy namma a daɓ kira ni ami vi vunumi eŋga ɓii boy namma ki kaŋgaa. Suu mami suu malayaŋ zina, suu Levina u muli mami suu li ɓivunna tin kosi ki kaŋga kay boy namma.

² Suu tin kosi ki kaŋga kay boy nammana ni, mul ŋgolna Nehemi ma goŋ Hakaliyana u Sedekiya,

³ Seraya, Azariya, Irmeya,

⁴ Pasehur, Amariya, Malkiya,

⁵ Hatus, Sebaniya, Maluk,

⁶ Harim, Meremot, Obadiya,

⁷ Danyel, Gineton, Baruk,

⁸ Mekulam, Abiya, Miyamin,

⁹ Maziya, Bilgay, Semaya ni muli suu li ɓivunna halaŋŋa.

¹⁰ Suu Levina, ni, Yesua ma goŋ Azaniyana, Binuy ma duk goryoŋ Henadadna, Kadmiyel,

¹¹ U gorsesina, Sebaniya, Hodiya, Kelita, Pelaya, Hanan,

¹² Mika, Rehob, Hasabiya,

¹³ Zakur, Serebiya, Sebaniya,

¹⁴ Hodiya, Bani, Beninu.

¹⁵ Muli suu fok suunana ni, Pareos, Pahat-Moab, Elam, Zatu, Bani,

¹⁶ Buni, Azgad, Bebay,

¹⁷ Adoniya, Bigvay, Adin,

¹⁸ Ater, Hizkiya, Azur,

¹⁹ Hodiya, Hasum, Besay,

²⁰ Harif, Anatot, Nebay,

²¹ Magpiyas, Mekulam, Hezir,

²² Mesezabel, Sadok, Yadua,

²³ Pelatiya, Hanan, Ananiya,

²⁴ Oze, Hananiya, Hasub,

²⁵ Halobek, Pila, Sobek,

²⁶ Rehum, Hasabna, Maseya,

²⁷ Ahiya, Hanan, Anan,

²⁸ Maluk, Harim, Bana.

²⁹ Suuna usira hinda ni, Levina, suu kak fun zira, suu gi soolla, suu li sunda u suu ɓorow dukusi ki u suu hu mbassa hiŋgana kay a tuɗ u gaɗta vi Lonara, boyogosiya, goryosi suu njufiina u suu tamagina, suu ki ndaki a hum dlarana,

³⁰ asi ɦal njun masira maŋ gorsesi suu ŋgolona, ɦal tasi u vi vun ma suura kay a tuɗ u gaɗta vi Lona ta nam ɦaɗ ay ko Moiz sa sunda vi Lona a li uɗ may hin tak gaɗta vi Yawera ki kiɗik halaŋ mayra, malaygi gaɗ mamba u boy ma nam ɓiirim kaŋgana.

³¹ Kay ndaɗta ni ami hin ka ɦal gorɓii mamisina ki maŋ suu hu mbassanaɗi. Ami hin ka yowosi gorɓii masisina maŋ goryomiɗi may.

³² Lini suu hu mbassana mbay u tlesuu gussa u wana hu buu ma Sabatna, ami ka gususi va kosi na nde hu buu ma Sabatnaɗi, hu buu ma luunaɗi lay. Hu basara kiɗisiyara ami hin hin ndaŋgara u bal ma kasina u deerem zeɗ zeɗ.

³³ Kay dlara kami amira ni ami fi tami a ɦal gursu mba' mba' hu basara dewra kay sun zira vi Loominara,

³⁴ kay fu ma ɦam ki maŋ Lonana, ma kay ɓivun ma lam tew tewna, kay ɓivun ma ŋgalam ki ŋgali tew tewna hu buu ma Sabatna, kay vun tilna, kay luuna, kay tlesuu hinisi ki maŋ Lonana, kay ɓivun ma bulum cora vi suu Israelna kira, kay sunda laɗ kay zira vi Looyginara.

³⁵ Ami muli suu li ɓivunna, suu Levina u suuna ami paɗ dewna kay ɦalla ɦal guna ɦawa kay sun Ziŋ Looyginara gegelay kay ziimu hu li ma ŋgaam hu basara tew tew a ŋgal kura hu givin ma togolla maŋ Yawe Looygina ko ndal ki ɓiirira hu gaɗtara na.

³⁶ Aygi ndak a ɦal yam waaygina, vuɗ ŋgusugi maygisina halaŋ halaŋ hu basara tew tew, kay sun zira vi Yawera.

³⁷ Goryoygi suu vuɗ jewna, gor yoori maygi suu vuɗ jewna lay ko ndal ki ɓiiri hu gaɗtara na, kay gor yoori maygi suu gori suu vuɗ jewna, gor yoori suu ŋgolo suu vuɗ jewna lay mbaasi ay kay sun Ziŋ Looyginara, maŋ muli suu li ɓivunna a li sun Ziŋ Looyginara.

³⁸ Fuɗ maygira jivira yarasira, tlegeyeygi suu aygi cukusi ki keŋŋa, vuɗ ŋgusu maygina halaŋ, sum veŋ ma wilina, mbulna, aygi hin mbaasi ay maŋ muli suu li ɓivunna hu Ziŋ Looyginara kalafi u yam wa ma keŋ ma doogo ma aygi ɦam maŋ suu Levinana. Suu njun muli suu li ɓivunna, suu Levina, asina hin yow yam wa ma keŋ ma doogona hu li ma aygi li sunda huna halaŋ halaŋ.

³⁹ Mul ma li ɓivunna dew, ma goŋ Aaronna, hin tuɗ ko tam u suu Levina hu li ma hin yow yam wa ma keŋ ma doogona, suu Levina hin yow ki u yam wa ma keŋ ma doogo ma ɦam ay hu Ziŋ Looyginara hin mbaam ay kalafi hu zira vi sa ma gol tlena.

⁴⁰ Kay hu zigini asina ni goryoŋ Israelna u goryoŋ Levina hin mba yam wa ble ma asi yowomma aya. Sum veŋ ma wilina u mbulna, u tlesuu min Ziŋ Lonana ka ni hu li namma, muli suu li ɓivunna li sun masira, suu kak fun zira u suu gi soolla. Ko ndaɗta na ni aygi hin ka noy Ziŋ Looyginara kiɗi.