NDUMBA 33 - Boy Lonana

Koyra vi suu Israelna col ay Egipte ta ta mba tew hu Moab

¹ Gola ni tuɗta suu Israelna poy ŋgoo bagi hu li ma asi cuk ay ki hu Egipte, Moiz u Aaron ka tuɗ fokosina.

² Moiz ɓii li ma asi cuk huna halaŋ ko Yawe damba na. Gola asi tuɗ ni ko wanda na u li ma asi cuk huna.

³ Asi yow ay hu Ramses hu til ma jewna, buu ma doogo yam vadlna. Ŋgoo dagan buu ma asi li luu ma Pakŋa ni buu ma suu Israelna cuk ay ki buɗi hu Egipte ki ii suuna halaŋŋa.

⁴ Hinisi asi suu Egiptena ha ni asi pi maɗ goryosi suu vuɗ fok jewna, suu Yawe casi ki a kaɓakŋa kay loogi masi suu ɦawana.

⁵ Yow ha hu Ramses, suu Israelna tuɗ vi ziisi u Sukot.

⁶ Yow ha Sukot, asi tuɗ cuk hu Etam, ni tok a vun ŋgoo bagira daɓ kira.

⁷ Yow ha hu Etam, asi hoŋ ay hu Pi-Hahirot vok taɗ u Baal-Sefon na vi ziisi fok Migdol na gay.

⁸ Yow ay hu Hahirot, asi calaɗ lumma hoŋ ŋgoo bagi hu fulla li buuna hindi a tuɗta ŋgoo bagi hu fulla Etamba ni asi tuɗ vi ziisi hu Mara.

⁹ Yow ha hu Mara, asi tew hu Elim, hu li namma goloŋga ka hu doogo yam mba', ŋgus manawra day hu li namma na dok-kiɗisiya may. Asi vi zina hu li namma.

¹⁰ Yow ha hu Elim, asi tuɗ vi ziisi fun Lum ma Cerewna.

¹¹ Yow ha fun lum ma Cerewna, asi tuɗ vi ziisi ŋgoo bagi hu fulla Sinda.

¹² Yow ha ŋgoo bagi hu fulla Sinda, asi tuɗ vi ziisi ni Dofka.

¹³ Yow ha hu Dofka, asi tuɗ cuk hu Aluk.

¹⁴ Yow hu Aluk, asi tuɗ vi ziisi hu Refidim, ni hu li ma suu Israelna ka fi yo ma ciraɗina.

¹⁵ Yow ha hu Refidim, asi tuɗ vi ziisi ŋgoo bagi hu fulla Sinayra.

¹⁶ Yow ha ŋgoo bagi hu fulla Sinayra, asi tuɗ cuk hu Kibrot Taava.

¹⁷ Yow ha hu Kibrot Taava, asi tuɗ vi ziisi hu Hasserot.

¹⁸ Yow ha hu Hasserot, asi tuɗ cuk hu Ritma.

¹⁹ Yow ha hu Ritma, asi tuɗ cuk hu Rimmon-Peres.

²⁰ Yow ha hu Rimmon Peres, asi tuɗ cuk hu Libna.

²¹ Yow ha hu Libna, asi tuɗ cuk hu Risa.

²² Yow ha hu Risa, asi tuɗ cuk hu Kehelata.

²³ Yow ha hu Kehelata, asi tuɗ cuk hu ɦinira Seferra.

²⁴ Yow ha u ɦinira Sefer, asi tuɗ cuk hu Harada.

²⁵ Yow ha hu Harada, asi tuɗ cuk hu Makelot.

²⁶ Yow ha hu Makelot, asi tuɗ cuk hu Tahat.

²⁷ Yow ha hu Tahat, asi tuɗ cuk hu Tera.

²⁸ Yow ha hu Tera, asi tuɗ cuk hu Mitka.

²⁹ Yow ha hu Mitka, asi tuɗ cuk hu Hasemona.

³⁰ Yow ha hu Hasemona, asi tuɗ cuk hu Moserot.

³¹ Yow ha hu Moserot, asi tuɗ cuk hu Bene-Yakan.

³² Yow ha hu Bene-Yakan, asi tuɗ cuk hu Hor-Gidgad.

³³ Yow ha hu Hor-Gidgad, asi tuɗ cuk hu Yotbata.

³⁴ Yow ha hu Yotbata, asi tuɗ cuk hu Abrona.

³⁵ Yow ha hu Abrona, asi tuɗ cuk hu Esiyon-Geber.

³⁶ Yow ha hu Esiyon-Geber, asi tuɗ cuk ŋgoo bagi hu fulla Sinda ni hu Kades.

³⁷ Yow ha hu Kades, asi tuɗ cuk u ɦinira Horra, ni fun ndaŋgara Edomba.

³⁸ U dira vi Yawera Aaron ɗiŋ kolo kay ɦinira Horra. Nam miɗ ha ni hu li namma, li basara dok-fiɗi ŋgoo cukga asi cuk ay ki hu mbassa Egiptera. Ni hu buu ma jewna vi til ma vadlna.

³⁹ Aaron li basara kay ndaŋgara ni 123 hu li ma nam miɗ kolo kay yam ɦinira Horra.

⁴⁰ Suu Kanaanna u mulna Arad cuki hu Negeb hu mbassa Kanaanda hum ana suu Israelna mba wa.

⁴¹ Suu Israelna yow ha u ɦinira Horra mba cuk hu Salmona.

⁴² Yow ha hu Salmona, tuɗ cuk hu Punon.

⁴³ Yow ha hu Punon, tuɗ cuk hu Obot.

⁴⁴ Yow ha hu Obot, tuɗ cuk hu Ye-Abarimmi ii keleŋga u mbassa Moabpa.

⁴⁵ Yow ha hu Ye-Abarim, tuɗ cuk hu Dibon-Gad.

⁴⁶ Yow ha hu Dibon-Gad, tuɗ cuk hu Almon-Diblataim.

⁴⁷ Yow ha hu Almon-Diblataim, tuɗ cuk u ɦinira Abarimba vok taɗ u ɦinira Nebora.

⁴⁸ Yow ha u ɦinira Abarimba, asi mba vi ziisi hu mbassa Moabpa fun lum ma Yurdanna, vok zi ma Yerikona.

⁴⁹ Asi vi ziisi hu mbassa Moabpa tok eg mbo lum ma Yurdanna duk hoŋ Bet-Yesimot u Abel Sitim.

Gaɗta kay a ɓorow mbassa

⁵⁰ Yawe ɓak u Moiz hu mbassa Moabpa fun lum ma Yurdanna vok tasi u zi ma Yerikona ana,

⁵¹ «Aŋ tuɗ ɓak suu Israelna dasi ana, Hu li ma agi calaɗ lum ma Yurdanna ki wa a tuɗ hu mbassa Kanaanda ni,

⁵² agi dik suu cuki hu mbas ndaɗtana ki halaŋ halaŋ, agi njayasi fuli masisina kiyo, ɦini masira asi ceɗeɗta, agi toosi tlegeyesi suu asi yoorosina kiyo. Agi doorosi liisi ma mbuy kolona ki halaŋ.

⁵³ Agi tli mbas ndaɗta ki halaŋ halaŋ, cuk ziigi ki huwa. Kay mbas ndaɗta an ɦagira ki ni magiya.

⁵⁴ Agi hin ɓorow mbas ndaɗta dukugi ni u paɗta paɗ dewna, ki u deeregi halaŋ halaŋ. Deera ŋgolla agi ɦasi liisina ŋgol may. Deera taɗ goora agi ɦasi lisina ni tam goo may. Gegelay hin fi ɓorow mamma ni u paɗta paɗ dewna nam hin takammara. Agi hin ɓorow lina ni u dee somoyogiya.

⁵⁵ Na may lini agi ka dik suu cuki huna kiɗi, suu dukusi ɦiw agi hinisi dukugi wa ni asi hin saaragi irigi ni ko ndal patlawra na, hinni ko wayara kusugi segira na, asi hin lasagi hu mbassa agi cuki hura.

⁵⁶ Lini agi hinisi dukugi wa, dlara an saa a lasira egesira an hin laɗ ni egegi tagira.»