NDUMBA 26 - Boy Lonana

¹ Yawe di Moiz u mul ma li ɓivunna Eleazar, ma goŋ Aaronna ana,

² «Ndum suu Israelna ki halaŋ halaŋ, col ha kay suu basaɗasi tew ki dok-mbana tuɗ ha fok na, suu ki ndaki a yow kawi ma duuna kosina.»

³ Moiz u mul ma li ɓivunna Eleazar ɓakasi ay ŋgoo bagi hu fulla Moabpa, fun mbo lum ma Yurdanna, ay kolo pay zi ma Yerikona na dasi ana,

⁴ «Aygi hin ndum suuna ki halaŋ halaŋ, col ha kay suu basaɗasi tew ki dok-mbana tuɗ ha fok na ko ndal Yawe di ay maŋ Moizza na may.» Gola ni suu Israel suu cuk ay ki hu Egiptena.

⁵ Ruben goŋ Israel ma ŋgolna, goryoŋ Rubenna ni Hanokŋi njaf suu Hanokŋa, Palu ni njaf suu Paluna,

⁶ Hesronni njaf suu Hesronna, Karmi ni njaf suu Karmina.

⁷ Gola njaf suu vi Rubenna ay ni na, ndumusi halaŋŋi 43,730 ni njufiina hol.

⁸ Goŋ Paluna ni Eliyab

⁹ Goryoŋ Eliyabma ni Nemuel, Datan, u Abiram. Datan u Abirammi suu may suu suu Israelna yowosi fokosi a li yara ugi Moiz u Aaronna. Asi ay u goryoŋ Korena hu li ma asi li honira u Yawena.

¹⁰ Ndaŋgara mal vunuɗ ki likisi kiyo, u Kore lay, ni hu li ma suu mamsina miɗ cocona, suuna 250 ni suu tak ki kay yara vi Lonara.

¹¹ Goryoŋ Korena u tasira miɗ kaɗi.

¹² Goryoŋ Simeonna u deeresiya, Nemuel ni njaf suu Nemuelna, Yaminni njaf suu Yaminna, Yakinni njaf suu Yakinna may.

¹³ Zera ni njaf suu Zerana, Sol ni njaf suu Solna.

¹⁴ Gola njaf suu vi Simeonna ay ni na, asi halaŋŋi 22,200.

¹⁵ Suu vi Gadna u njafasiya, Sefonni njaf suu Sefonna, Hagi ni njaf suu Hagina, Suni ni njaf suu Sunna.

¹⁶ Ozni ni njaf suu Oznina, Eri ni njaf suu Erina.

¹⁷ Arod ni njaf suu Arodna, Areli ni njaf suu Arelina.

¹⁸ Gola njaf suu vi Gadna ay ni na asi halaŋŋi 40, 500.

¹⁹ Goryoŋ Yudana ni Er u Onan. Er u Onan miɗ ay ki ni hu mbassa Kanaanda.

²⁰ Gola ni goryoŋ Yudana u deeresiya, Sela ni njaf suu Selana, Peres ni njaf suu Peresna. Zerah ni njaf suu Zerahna.

²¹ Gola ni goryoŋ Peresna, Hesronni njaf suu Hesronna. Hamul ni njaf suu Hamulna.

²² Gola njaf suu vi Yudana ay ni na asi halaŋŋi 76,500.

²³ Suu vi Isakarna u deeresiya, Tola ni njaf suu Tolana. Puva ni njaf suu Puvana.

²⁴ Yasub ni njaf suu Yasubma, Simronni njaf suu Simronna.

²⁵ Gola njaf suu vi Isakarna ay ni na asi halaŋŋi 64,300.

²⁶ Njaf suu vi Zabulonna u deeresiya, Sered ni njaf suu Seredna, Elonni njaf suu Elonna. Yaleel ni njaf suu Yaleelna.

²⁷ Gola njaf suu vi Zabulonna ay ni na asi halaŋŋi 60,500.

²⁸ Suu vi Josefna u deeresiya, ni Manase u Efrayim.

²⁹ Goryoŋ Manasena ni Makir, ni njaf suu Makirna. Makir vuɗ Galaad. Galaad ni njaf suu Galaadna.

³⁰ Gola ni goryoŋ Galaadna, Yezer ni njaf suu Yezerna, Helekŋi njaf suu Helekŋa.

³¹ Asriyel ni njaf suu Asriyelna, Sekemmi njaf suu Sekemma.

³² Semida ni njaf suu Semidna, Hefer ni njaf suu Heferna.

³³ Selofad goŋ Heferna vuɗ go njuf kaɗi, vuɗ ni gorɓiina doy hol, gorɓii suu vi Selofadna ni, Mala, Nowa, Hogla, Milka u Tirsa.

³⁴ Gola njaf suu vi Manasena ay ni na, asi halaŋŋi 52,700.

³⁵ Gola ni njaf suu vi Efrayimma u deeresiya. Sutela ni njaf suu Sutelana. Beker ni njaf suu Bekerna. Tahanni njaf suu Tahanna.

³⁶ Gola ni goryoŋ Sutelana, Eranni njaf suu Eranna.

³⁷ Gola njaf suu vi Efrayimma li ay ni na asi halaŋŋi 32,500. Ndum goryoŋ Josefna taɓ hu njafam halaŋŋi na.

³⁸ Suu vi Benjaminna u deeresiya, Bela ni njaf suu Belana, Asebel ni njaf suu Asebelna. Ahirammi njaf suu Ahiramma.

³⁹ Sufammi njaf suu Sufamma. Hufammi njaf suu Hufamma.

⁴⁰ Goryoŋ Belana ni Arde u Naaman, ni njaf suu Naamanna.

⁴¹ Gola njaf suu vi Benjaminna li ay ni na, asi halaŋŋi 45,600.

⁴² Gola ni goryoŋ Danna u deeresiya, Suhammi njaf suu Suhamma, njaf suu vi Danna li ni na,

⁴³ Njaf suu Suhamma ndum halaŋŋi 64,400.

⁴⁴ Gola ni njaf suu vi Aserna u deeresiya. Imna ni njaf suu Imnana. Isevi ni njaf suu Isevina. Beriya ni njaf suu Beriyana.

⁴⁵ Njaf suu vi Beriyana ni, Heber ni njaf suu Heberna, Malkiyel ni njaf suu Malkiyelna.

⁴⁶ Go tamara vi Aserra yaɗ ana Sera.

⁴⁷ Njaf suu vi Aserna li ay ni na, asi halaŋŋi 53,400.

⁴⁸ Gola ni njaf suu vi Neftalina u deeresiya. Yassiyel ni njaf suu Yassiyelna. Guni ni njaf suu Gunina.

⁴⁹ Yesser ni njaf suu Yesserna. Sillemmi njaf suu Sillemma.

⁵⁰ Ni njaf suu vi Neftalina li ay ni na, asi ndum halaŋŋi 45,500.

⁵¹ Ndum suu Israelna dlaɓ halaŋ ndi na 601,730.

Takka kay ɓorow mayra ɓorow mbassa kira

⁵² Yawe di Moiz ana,

⁵³ «Mbassa hin ɓorowoɗ ni duk ɦoŋ suu asina, ɓorow namma hin li ni u ndum suuna may.

⁵⁴ Njaf suu zulina aŋ ɦasi lina ŋgol may, njaf suu kaɗina aŋ ɦasi lina ni kaɗi may. Gegelay fi ɓorow mamma ni u ndum suu mamsina.

⁵⁵ Mbassa agi hin ɓorowoɗ ni u paɗta paɗ dewna, asi hin fi ɓorow masina ni u ndum somoyosiya.

⁵⁶ Paɗta paɗ dewna hin gi u dla ndaɗta ki ni ndaɗu, a ɓorow lina duk ɦoŋ suu zulina u suu ka zuli cocoɗina.»

Hoŋ ndum njaf suu vi Levina a mbara

⁵⁷ Gola ni ndum njaf suu vi Levina u deeresiya. Gersonni njaf suu Gersonna, Kehat ni njaf suu Kehatna. Merari ni njaf suu Merarina.

⁵⁸ Gola ni njaf Levi, njaf suu vi Libnina, njaf suu Hebronna, suu Malna, suu Musna suu Korena, Kehat vuɗ Amram.

⁵⁹ Caŋ Amramba yaɗ ana Yokebed ni goŋ Levira, nam vuɗuɗ ay ni hu Egipte. Ndaɗ hin vuɗ gorra maŋ Amrammi Aaron, Moiz u Miriyammi wayasira tamara may.

⁶⁰ Aaron vuɗ Nadab, Abihu, Eleazar u Itamar.

⁶¹ Nadab u Abihu, ni asi miɗ ki kay asi kal kura daŋga ay hu givin ma togolla fok Yawena.

⁶² Ndum suu vi Levina li halaŋŋi 23,000 ni ndummi njufii suu hu njaf Levina halaŋ col ha kay suu vuɗ ki li tilna ki dewna na. Asina taɓasi ndumusi ay ka duk suu Israelnaɗi, kay asi ka dlaɓi u asiɗi.

Vun ndumba daɓ daganda

⁶³ Gola ni suu may suu Moiz u mul ma li ɓivunna Eleazar ndumusi asi suu Israelna ay ŋgoo bagi hu mbassa Moabma, fun mbo lum ma Yurdanna vok tasi u zi ma Yerikona.

⁶⁴ Dukusi halaŋŋi sa ma Moiz u Aaron, mul ma li ɓivunna, ndumusi ay ŋgoo bagi u ɦinira Sinayra hin ka dukgi.

⁶⁵ Kay Yawe dasi ki ana lini nanagelay asi hin miɗ ki ŋgoo bagi hu fulla. Kay ndaɗta asi miɗ ki halaŋ may, hinni gi Kaleb ma goŋ Yefunnena u Josuwe ma goŋ Nunna doy hol.