NDUMBA 2 - Boy Lonana

Gaɗta kay zi ma njaf suuna cukumma

¹ Yawe di gi Moiz u Aaron ana,

² «Suu Israelna gegelay ni cuk ziimmi hu dee mamba mamba eg suu mam suu duuna duuna. Asi vi ziisi ay eg Mbutluɓ ma Tokkana duk ɦoŋosi hin ki na nde nde.

³ «Suu vi ziisi ay fok jew u maɗiina nana ni suu asgaa suu vi Yudana, sa ma ŋgolla fok suu vi Yudana ni Nason ma goŋ Aminadabma.

⁴ Suu asgaa mamsina ndumusi ay ni asi halaŋŋi 74,600.

⁵ Suu hin cuk ha egemma ni njaf suu vi Isakarna, sa ma a ŋgolla fok suu vi Isakarna ni Nataneyel ma goŋ Suarna.

⁶ Suu asgaa mamsina ndumusi ni 54,400.

⁷ Hin cuk ha keŋesi ni suu vi Zabulonna sa ma a ŋgolla fok suu vi Zabulonna ni Eliyab ma goŋ Helonna.

⁸ Suu asgaa mamsina ndumusi ni 57,400.

⁹ Ndum suu asgaa suu hu Yuda suu tuɗ fok jewna ndi halaŋŋi 186,400, ni njaf suu hindina halaŋ.

¹⁰ «Suu vi ziisi ki ii dali nana ni suu vi Rubenna u asgaa mamsina. Sa ma a ŋgolla fok suu vi Rubenna ni Elisur ma goŋ Sedeurna.

¹¹ Ndum suu asgaa suu vi Rubenna li ni 46,500.

¹² Suu cuk ay keŋesina ni njaf suu vi Simeonna, sa ma a ŋgolla fok suu vi Simeonna ni Selumiyel ma goŋ Surisadayna.

¹³ Ndum suu asgaa suu vi Simeonna li ni 59,300.

¹⁴ Ha egesi hu ni njaf suu vi Gadna sa ma a ŋgolla fok suu vi Gadna ni Eliyasaf ma goŋ Deuelna.

¹⁵ Ndum suu asgaa suu vi Gadna, ndumusi asi li ni 45,650.

¹⁶ Ndum suu asgaa suu vi Rubenna li halaŋŋi 151,450, ni njaf suu hindina halaŋ.

¹⁷ «Ŋgoo dagan tuɗ ha ni Mbutluɓ ma Tokka, njaf suu vi Levina vi ziisi duk ɦoŋ ii zi ma ha ki kaay jew mbana u ma hin ay dagan mbana may. Asi tuɗ ni ko dasi ayra na may, gegelay ni tuɗ ka ziimmi u dee mamba mamba.

¹⁸ «U fiɗigina na ni suu vi Efrayimma ka zina hu ni asiya u suu asgaa masisina, sa ma a ŋgolla fok suu vi Efrayimma ni Elisama ma goŋ Amihudna.

¹⁹ Ndum suu asgaa suu vi Efrayimma li ni 40,500.

²⁰ Ay keŋesi ni cuk huni njaf suu vi Manasena, sa ma fok suu vi Manase a ŋgollana ni Gamaliyel ma goŋ Pedasurna.

²¹ Ndum suu asgaa suu vi Manasena li ni 32,200.

²² Ay keŋesi ni njaf suu vi Benjaminna, sa ma a ŋgolla fok suu vi Benjaminna ni Abidan ma goŋ Gidonina.

²³ Ndum suu asgaa suu vi Benjaminna li ni 35,400.

²⁴ Ndum suu asgaa suu hu zi ma vi Efrayimma li halaŋŋi 108,100, ni njaf suu hindina halaŋ. Asi ni a ziisi ma kaam a hindirana.

²⁵ «Ii mbayaw na ni suu asgaa suu vi Danna, sa ma a ŋgolla fok suu vi Danna ni Ahiyezer ma goŋ Amisadayna.

²⁶ Ndum suu asgaa suu vi Danna li ni 62,700.

²⁷ Ay keŋesi ni njaf suu vi Aserna sa ma a ŋgolla fok suu vi Aserna ni Pagiyel ma goŋ Okranna.

²⁸ Ndum suu asgaa suu vi Aserna li ni 41,500.

²⁹ Hin ha keŋesi ni njaf suu vi Neftalina, sa ma a ŋgolla fok suu vi Neftalina ni Ahira ma goŋ Enanna.

³⁰ Ndum suu asgaa suu vi Neftalina li ni 53,400.

³¹ Ndum suu asgaa suu vi Danna li halaŋŋi 157,600, ni njaf suu hindina halaŋ. Asi ni suu do daganna.»

³² Gola ni ndum suu Israelna lini ko ndaɗta na, ndumusi ki u deeresi halaŋ, suu ndumusina laki u suu masi suu duuna zeɗ zeɗ halaŋ. Ndum suu asgaana li halaŋŋi 603.550.

³³ Njaf suu vi Levina ndumusi ka duk suu Israelnaɗi, ni ko Yawe di ay maŋ Moizza na may.

³⁴ Suu Israelna li u gaɗta Yawe ɦaɗ ay maŋ Moizza halaŋ. Kay ndaɗta asi cuk zina ni u deeresiya, deeresiya u suu duu masisina lay. Gigelay ni u ziimu ziimu.