MATIYE 1 - Boy Lonana

Sem somoyoŋ Yesuna

¹ Ni sem somoyoŋ Yesuna, hu njafna vi Davidna, hu njafna vi Abrahamma.

² Abraham vuɗ Isaak. Isaak vuɗ Yakob. Yakob vuɗ Yuda u gorsemma.

³ Yuda vuɗ Fares u Zara (susi ni Tamar). Fares vuɗ Esrom. Esrom vuɗ Aram.

⁴ Aram vuɗ Aminadab. Aminadab vuɗ Naasson. Naasson vuɗ Salmon.

⁵ Salmon vuɗ Booz, summi Rahab. Booz vuɗ Obed, summi Rut. Obed vuɗ Jese.

⁶ Jese vuɗ mulna David. David vuɗ Salomon u caŋ Urira.

⁷ Salomon vuɗ Roboam. Roboam vuɗ Abiya. Abiya vuɗ Aza.

⁸ Aza vuɗ Josafat. Josafat vuɗ Joram. Joram vuɗ Oziyas.

⁹ Oziyas vuɗ Joatam. Joatam vuɗ Akaz. Akaz vuɗ Ezekias. Ezekias vuɗ Manasse.

¹⁰ Manasse vuɗ Amon. Amon vuɗ Josias.

¹¹ Josias vuɗ Yekoniya u gorsemma vuɗ ni, suuna yowosi ha ki Babilon.

¹² Asi yowosi ha Babilon yow ni, Yekoniya vuɗ Salatiyel. Salatiyel vuɗ Zorobabel.

¹³ Zorobabel vuɗ Abiud. Abiud vuɗ Eliakim. Eliakim vuɗ Azor.

¹⁴ Azor vuɗ Sadok. Sadok vuɗ Asim. Asim vuɗ Eliud.

¹⁵ Eliud vuɗ Eleazar. Eleazar vuɗ Matan. Matan vuɗ Yakob.

¹⁶ Yakob vuɗ Yosef ma njuf Marina. Mari vuɗ Yesu ma Lona Fuurumma.

¹⁷ Col ay eg Abraham mbay tew kay David na ni, somoyosi doogo yam fiɗi. Eg David mba hu yow mayra asi yowosi Babilonda ni, somoyosi doogo yam fiɗi. Duk ɦoŋ yowra Babilonda mba tew vuɗta vi Yesu ni, somoyosi doogo yam fiɗi.

Vuɗta vi Yesura

¹⁸ Ni vuɗta vi Yesura. Yosef gi ɗum Mari, bay vaɗ tuwa. Ndaɗ vi wiina u Musuk Lonara.

¹⁹ Njufuɗ Yosef ni sa ma ɗilina, nam min a sa hum boy namma ki koloɗi. Nam hal a busuɗ ki bay gi u boy namma kiyo.

²⁰ Nam ka saa kay boy namma may ni, sa sunda huulona mba dam doyra ana, «Yosef, goŋ Davidna, li ndaa a vi caaŋga Mari varaŋgaɗi, vaɗ wiina huruɗ ni Musuk Lonara.

²¹ Ndaɗ hin vuɗ goona, aŋ tinim sem ana Yesu, kayme nam hin suɗ suu mamsina ki hu coosira.»

²² Dla ndaɗta li wa na ni, faɗ ki ni vun boy ma sa jok vun Lona ma di ana,

²³ «Goowayra hin vi wiina, ndaɗ hin vuɗ goona, tinim sem ana Emmanuel,» (ni ana Lona ka u aygiya).

²⁴ Yosef dliɗ kolo ni, li ko sa sunda huulona damba na. Nam vi caamba, Mari, varamu.

²⁵ Nam buu ka u ndaɗɗi, gak gak ndaɗ vuɗ goroɗna kiyo. Yosef tinim sem ana Yesu.