JOSUWE 21 - Boy Lonana

Ҥoŋzi ŋgolo ma vi goryoŋ Levina

¹ Suu ŋgolo suu fok suu masisina hu njafna vi Levina mbay eg Eleazar, mul ma li ɓivunna u Josuwe ma goŋ Nunna u suu ŋgolo suu may suu fok suu Israelnana.

² Asi mba egesi hu Silo hu mbassa Kanaanda dasi ana, «Yawe di ka fun Moiz ana hin ɦami ɦoŋzi ŋgolo ma ami hin a cuk ziimi huna kaa, u sene ma ami hin a taa yoori mamisina huna may.»

³ Kay a joosi namma ni suu Israelna ɦasi ɦoŋzi ma ŋgolo ma cana u sene mamma halaŋ a gol yoori masisinara may. Ko ndal Yawe dira na may.

⁴ Dee suu may suu ŋgaɓpa ndi kasi jewna ni duk dee suu vi Kehatna, suu goryoŋ Aaronna, mul ma li ɓivunna, fi ɦoŋzina u paɗ dewna jew ni asiya, ɦoŋzi ŋgolo doogo yam hindi duk suu vi Yudana duk suu vi Simeonna duk suu vi Benjaminna may.

⁵ Goryoŋ Kehat suu hiniŋŋa fi ɦoŋzina doogo duk suu vi Efrayimma, doogo duk suu vi Danna, doogo duk nus suu vi Manasena may, ii u fiɗigina na.

⁶ Njaf suu vi Gersonna fi liisina ɦoŋzi ŋgolona doogo yam hindi duk suu vi Issakarna, doogo yam hindi duk suu vi Aserna, doogo yam hindi duk suu vi Neftalina u nus suu vi Manase suu cuki hu Basanna may.

⁷ Dee suu vi Merarina fi ɦoŋzi ma ŋgolona doogo yam mba duk suu vi Rubenna, duk suu vi Gadna duk suu vi Zabulonna may.

⁸ Suu Israelna ɓorow lina maŋ njaf suu vi Levina u paɗta paɗ dewna, ɦasi ɦoŋzi ma ŋgolona halaŋ u li ma taa yoori masisina lay. Ko ndal Yawe di ka fun Moizza na may.

Ɓorow ma vi goryoŋ Kehatna

⁹ Gola ni sem ɦoŋzi ŋgolo ma hu Yuda u Simeonna,

¹⁰ ma ɦam ki maŋ goryoŋ Aaronna hu deera vi Kehat ma goŋ Levina. Asina ni suu dew ma jewna ndi kasina.

¹¹ Asi hin ɦasi ni Keriyat-Arba, ta ɦoŋzi ma Hebronna kolo kay ɦinira Yudara. Arba ni bu Anak.

¹² Na may sene ma hu ɦoŋzi nammana u ɦoŋzi ma gorina halaŋ ɦasi ki ni maŋ Kaleb ma goŋ Yefunena.

¹³ Asi ɦal maŋ goryoŋ Aaron, mul ma li ɓivunna, a zi ma ŋgayra kay sa ma ci maɗnana ni Hebron, Libna,

¹⁴ Yattir, Estemoa,

¹⁵ Holon, Debir,

¹⁶ Azan, Yutta, Bet-Semes, ɦoŋzi ma ŋgolona dleeŋe u sene masina maŋ dee ndaɗta mba' wandara.

¹⁷ Hu mbassa vi Benjaminda ɦasi ɦoŋzi ŋgolona hu fiɗi, Gabaon, Geba,

¹⁸ Anatot, Almon, ɦoŋzina fiɗi u sene masina lay.

¹⁹ Ҥoŋzi ŋgolo ma vi goryoŋ Aaron, mul ma li ɓivunna, taɓ halaŋŋi doogo yam hindi. U sene ma taa yoorina usi hu dew dew halaŋ.

²⁰ Njaf suu vi Levi suu daŋŋa suu goryoŋ Kehatna fi ŋgaɓ masira ha ni hu mbassa vi Efrayimba.

²¹ Asi ɦasi ɦoŋzi ma suu ci maɗna ŋgay huna ni Sekem u sene mamma halaŋ eg ɦinira Efrayimba Gezer u sene maɗna may.

²² Kibsaim, Bet-Horon ɦoŋzi ma ŋgolona ni fiɗi u sene masina.

²³ Hu mbassa vi suu vi Danna ni Elteke, Gibeton,

²⁴ Ayalon, Gat-Rimmon, ɦoŋzi ma ŋgolona ni fiɗi u sene masina lay.

²⁵ Hu mbassa vi nus goryoŋ Manasena ni Taanak, Gat-Rimmon, ɦoŋzi ma ŋgolona ni mba' u sene masina lay.

²⁶ Ҥoŋzi ŋgolo ma vi goryoŋ Kehat suu hiniŋŋa taɓ halaŋŋi doogo u sene masina usi hu halaŋ halaŋ.

Ɓorow ma vi goryoŋ Gersonna

²⁷ Maŋ njaf suu vi Levi suu goryoŋ Gersonna ɦasi ɦoŋzi ma ŋgay suu ci maɗna, ni duk njaf nus suu vi Manasena. Ҥasi ni Golan hu mbassa Basanda, u Besetera, ɦoŋzi ma ŋgolona ni mba' u sene masina halaŋ.

²⁸ Hu mbassa vi suu vi Issakarna ɦasi ni Kisyon, Dabrat,

²⁹ Yarmut, u Ein-Gannim, ɦoŋzi ma ŋgolona ni fiɗi u sene masina lay.

³⁰ Hu mbassa vi suu vi Aserna ɦasi ni Misal, Abdon,

³¹ Helkat, Rehob, ɦoŋzi ma ŋgolona ni fiɗi u sene masina.

³² Hu mbassa vi goryoŋ Neftalira ni ɦasi a ɦoŋzi ma ŋgay suu ci maɗna ni Kedes hu mbassa Galilera, u sene maɗna halaŋ. Ҥasi Hammot-Dor, Kartan ɦoŋzi ma ŋgolona ni hindi u sene masina.

³³ Ҥoŋzi ŋgolo ma vi goryoŋ Gersonna u deeresi halaŋ taɓ ni doogo yam hindi u sene masina hu halaŋ halaŋ.

Ɓorow ma vi goryoŋ Merarina

³⁴ Maŋ goryoŋ Levi suu deera vi Merarina ɦasi lina ni hu mbassa vi goryoŋ Zabulonna. Ҥasi ni Yokneam, Karta,

³⁵ Dimna, Nahalal, ɦoŋzi ma ŋgolona ni fiɗi u sene masina halaŋ.

³⁶ Hu mbassa vi goryoŋ Rubenna ɦasi ni Beser, Yahas,

³⁷ Kedemot, Mefaat, ɦoŋzi ma ŋgolona ni fiɗi u sene masin halaŋ.

³⁸ Hu mbassa vi goryoŋ Gadna ni ɦasi ɦoŋzi ma ŋgay suu ci maɗna ni Ramot ta hu Galaadta u sene maɗna halaŋ. Ҥasi ni Mahanaim,

³⁹ Hesbon, Yazer, ɦoŋzi ma ŋgolona ni fiɗi u sene masina halaŋ.

⁴⁰ Ҥoŋzi ŋgolo ma ɦam maŋ goryoŋ Merarina u paɗ dewna ndi halaŋŋi doogo yam mba' masi u deeresi halaŋ.

⁴¹ Ҥoŋzi ŋgolo ma vi njaf suu vi Levina ma suu Israelna ɦasina dukusi zeɗ zeɗna ndi halaŋŋi ɦoŋzi ŋgolona dok fiɗi yam kalavandi u sene masina usi hu bel bel may.

⁴² Ҥoŋzi ŋgolona dew dew halaŋŋi u sene mamma ki ŋguy kamu, ɦoŋzina halaŋ ki ni ko ndaɗta na.

Boy ma daɓ dagan kay ɓorowra ɓorow mbassara

⁴³ Yawe su tam a ɦal mbas ndaɗta maŋ goryoŋ Israelna, cem cemmi nam ɦasira ki wa. Asi cuk ki hu mbas ndaɗta may.

⁴⁴ Yawe ɦasi koɗ tara baɗaɗ zeɗ zeɗ halaŋ ko nam vi vunum ay ki fok jew u somoyosira na may. Suu babali masisina sa ma col fokosi dew kaɗi. Yawe ɦasi suu babali masisina ki hu duk kosi halaŋ.

⁴⁵ Boy jivi ma Yawe dam maŋ suu Israelnana halaŋ maa hin kaka ɦawa na dewɗi, nam li ki u vunum ma di namma dew dew halaŋ.