JOSUWE 19 - Boy Lonana

Dee suu vi Simeonna

¹ Mbas mayra ŋgaɓaɗ ki a mbara nira vi goryoŋ Simeonnara u njafasi halaŋ, joosina ni duk ɦoŋ goryoŋ Yudana.

² Ҥasi a joosina ni mbassa Berseba, Seba, Molada.

³ Hasar-Sual, Baala, Essem.

⁴ Eltolad, Betul, Horma.

⁵ Siklag, Bet-Markavot, Hasar-Susa

⁶ Bet-Lebaot u Saruen. Ҥoŋzi ma ŋgolona doogo yam hindi u zi ma gorina usi hu olo.

⁷ Ҥoŋzi ma daŋ ma ay huna ni Ain, Rimmon, Eter u Azan. Ҥoŋzi ma ŋgolona fiɗi u zi ma gorina usi hu olo.

⁸ U ɦoŋzi gori ma ŋguy kasina halaŋ ta ta tew ay ki Baalat-Ber ni Ramat ii dali na. Gola ni jo ma vi goryoŋ Simeonna u njafasi halaŋ.

⁹ Jo ma vi goryoŋ Simeonna ɦasina ni keŋ mbassa vi suu vi Yudanara. Kay ana li ma vi goryoŋ Yudana ki ŋgol cocoo su ki kasiya. Kay ndaɗta goryoŋ Simeonna fi lina egesi ni na.

Dee suu vi Zabulonna

¹⁰ Mbas mayra ŋgaɓaɗ ki a hindira nira vi goryoŋ Zabulonnara. Ii haka masira tuɗ ay ta ta Sarid.

¹¹ Ndaɗ hoŋ ay kolo u fiɗigina ta ta tew ay ki Marala ta ta tuɗ Dabbeset tuɗ ay ki fun mbo ma ɓaɗ a tuɗ hu Yokneamma.

¹² Hakara col ha hu Sarid tuɗ ha u maɗiina na tuɗ do ay ii hakara Kislot-Tabor, maɗ ay ki eg Dabrat na hin jak ay ki kolo Yafiya.

¹³ Ay hu li namma hakara jak u maɗiina tuɗ ta ta Gat-Hefer, It-Kasin tuɗ do ay ki Rimmon jak ha ki eg Nea na.

¹⁴ Ii hakara tuɗ ii ma mbayawna vi Hannaton tuɗ tew ay ki hu ɦuɗugumba Yifta-El.

¹⁵ Mbas masira ɦoŋzi ma ŋgolona hu ni doogo yam mba' u gor zi ma gorina usi hu olo. Ni Katat, Nahalal, Simron, Idala u Betlehem.

¹⁶ Ҥoŋzi gori ma ŋguyumma halaŋŋi vi goryoŋ Zabulonna.

Dee suu vi Issakarna

¹⁷ Mbas mayra ŋgaɓaɗ ki a fiɗira nira vi goryoŋ Issakarna u njafasi halaŋ.

¹⁸ Mbas masira ni Jizreel, Kesulot, Sunem.

¹⁹ Hafaraim, Sion, Anaharat

²⁰ Rabbit, Kision, Ebes,

²¹ Remet, En-Gannim, En-Hadda u Bet-Pases.

²² Ii hakara do ay ki eg Tabor, Sassaim, Bet-Semes tew ay ki fun mbo lum ma Yurdanna. Mbas masira ɦoŋzi ma ŋgolona ni doogo yam karkiya u zi ma gorina usi hu olo.

²³ Mbas ndaɗta hu li namma halaŋŋi maŋ goryoŋ Issakarna.

Dee suu vi Aserna

²⁴ Mbas mayra ŋgaɓaɗ ki a vadlla nira vi goryoŋ Asernara u njafasi halaŋ.

²⁵ Mbas masira ni Helkat, Hali, Beten Akesaf,

²⁶ Alamelek, Amad u Mikal. Ii hakara u fiɗiginara do ay ki ni eg ɦinira Karmella, hoŋ ay fun mbo ma Sihor-Libnatna na.

²⁷ Ii hakara u maɗiinara col ay ni Bet-Dagon ay fun mbassa vi Zabulonda u ɦuɗugumba Ifta-Ella, hin hoŋ ii ma mbayawna a do ay ki eg Bet-Emek u Neyel na. Ndaɗ jak ay ta ta mba tew ki Kabul,

²⁸ Abdon, Rehob, Hammon u Kana tuɗ tew ay ki eg Sidon ɦoŋzi ma ŋgolna.

²⁹ Hakara hoŋ ay hu Rama na u ɦoŋzi ma saɓak coco ma Tyrna hin tuɗ eg Hosa, tew ay ki fun mbo lum ŋgol ma Mediteranena, jak ay ni hu Mahalab, Akzib,

³⁰ Uma, Afek u Rehob, mbas ndaɗta ɦoŋzi ma ŋgolona halaŋŋi dok mba' yam mba' u ɦoŋzi ma gorina usi hu olo.

³¹ Mbas ndaɗta hu li namma halaŋŋi maŋ goryoŋ Aserna u njafasi halaŋ.

Dee suu vi Neftalina

³² Mbas mayra ŋgaɓaɗ ki a karkiyara nira vi goryoŋ Neftalinara.

³³ Ii haka masira dalira ay ni hu Helef u gu ma yam ana Senna hu Saananim, jak ay hu Adami-Nekeb u Yabneel mba tew ki Lakkum do ha ki fun mbo lum ma Yurdanna.

³⁴ Hakara ii u fiɗiginara ni ni col ay Aznot-Tabor mba tew ki Hukok tew ay ki ii dali keŋ mbassa vi goryoŋ Zabulonnara, ura vi goryoŋ Aserna ii u fiɗigina may, ii ma u maɗiinana ni mbo lum ma Yurdanna may.

³⁵ Ҥoŋzi ma saɓak cocona ni Siddim, Ser, Hammat, Rakkat, Kinneret,

³⁶ Adama, Rama, Hassor,

³⁷ Kedes, Edrei, En-Hassor,

³⁸ Iron, Migdal-El, Horem, Bet-Anat u Bet-Semek. Ҥoŋzi ma ŋgolona halaŋŋi doogo yam dleeŋe u ɦoŋzi gori ma ay keŋem tok tokŋa lay.

³⁹ Mbas ndaɗta hu li namma halaŋŋi maŋ goryoŋ Neftalina u njafasi halaŋ.

Dee suu vi Danna

⁴⁰ Mbas mayra ŋgaɓaɗ ki a kiɗisiyara nira vi goryoŋ Dannara.

⁴¹ Mbas masira ni Sora, Esteol, Ir-Semek,

⁴² Saalabin, Ayalon, Itla,

⁴³ Elon, Timna, Ekron,

⁴⁴ Elteke, Gibeton, Baalat,

⁴⁵ Yehud, Bene-Berak, Gat-Rimmon,

⁴⁶ mbo ma Yarkona, Rakkonna u mbassa ŋguy kay Yoppena halaŋ.

⁴⁷ Hu li ma goryoŋ Danna mbas masira ka oloɗina, asi tuɗ li duuna u suu hu mbassa Lesemba, casi kiyo. Asi tli mbassa Lesemba ki masiya, mbuɗ sem Lesem ki ana Lesem-Dan u sem busi ŋgolo Dan.

⁴⁸ Ҥoŋzi ŋgolo ma ndumum ay kolo cana halaŋ u zi ma gori ma ŋguyumma lay ni maŋ goryoŋ Danna u njafasi halaŋ.

Ҥoŋzi ma asi ɦam maŋ Josuwena

⁴⁹ Hu li ma asi daɓ mbassa ki ɓorowna kosi a joosina daɓmi, suu Israelna ɦal li ma vi Josuwe ma goŋ Nunna ni dukusira gay gayra.

⁵⁰ Ko ndal Yawe dira na, asi ɦammi li ma nam joɓomma may. Ni Timnat-Sera, hu li ma ɦinira cocona hu zi ma vi Efrayimma. Josuwe hoŋ min ɦoŋzi namma kiyo, hin cukŋi huwa.

⁵¹ Gola ni jo ma Eleazar, mul ma li ɓivunna, Josuwe ma goŋ Nunna, u suu ŋgolo suu may suu fok suu Israelnana ɓorowom ki maŋ suu Israelna u paɗta paɗ dewna ay u ɦoŋzi ma Silona fok Yawena. Ay fun Mbutluɓ ma Tokka, asi daɓ mbassa ii ɓorowra ni ko ndaɗta na.