JOSUWE 15 - Boy Lonana

Mbassa ɦaɗ maŋ dee suu vi Yudanara

¹ Gola ni mbassa ɦaɗ maŋ dee suu vi Yudanara, ii hakara col ay ni u suu Edomma ay ŋgoo bagi hu mbassa Sinda u Negeb ay ii dali mayra do ay ga na dora.

² Haka masira ii dalira do ay ni fun mbo lum ma galakŋa ta ta u fiyek mbassa Negebba halaŋ.

³ Tuɗ fok ii dali na taɓa kolo hu Akrabbim, jak ki hu Sin, hin tuɗ kolo keŋ mbassa Kades-Barniya ii ma dalina na, jak ay ki Hesron, taɓa kolo Addar na hin gun ay ki ii karka na.

⁴ Jak hu Asmon hin maɗ ay ki fun mbo lum ma Egiptena na, tuɗ do ay ki fun mbo lum ŋgol ma Mediteranena. «Ii haka magira dalira li ni ko ndaɗta na.»

⁵ Hakara ii u maɗiinara do ay ni fun mbo lum ma galakŋa, ta ta tew ay ki hu vun mbo lum ma Yurdanna ma daɓ ayra. Ii hakara mbayawra gijaŋŋa ay ni hu li namma gaw may.

⁶ Ii hakara tuɗ kolo ta ta Bet-Hogla, jak ay ki mbayaw ii Bet-Araba na, tuɗ ta ta eg gogoyra vi Bohan ma goŋ Rubenna.

⁷ Hakara jak kolo Debir kal hu ɦuɗugumba vi Akorra, pereɗ ay ki mbayaw ii Gilgal na, vok tasi u mbura Adumimba, dali fun mbo lumma na, hakara jak ay fun lum ma Ein-Semesna, tuɗ daɓ ay fun En-Rogel.

⁸ Ii hakara jak fun ɦuɗugumba vi goŋ Hinnomma, kolo kay mbura dalira hu Yerusalemba na hu ɦoŋzi ma vi suu Jebusna. Ii hakara tuɗ kolo ta ta kay ɦinira vok taɗ u ɦuɗugumba Hinnomba ii u fiɗigina, daɓ ay ki fun mbassa Refara ii mbayawi.

⁹ Ii hakara col ay kolo kay ɦinira tuɗ ga fun mbo ma Neftoana jak ta ta tuɗ hu ɦoŋzi ŋgolo ma Efronna hin jak Baala ta asi yaɗ ana Kiriot-Yearimba.

¹⁰ Col ay Baala ii hakara hoŋ u fiɗigina u ɦinira Seirra na jak ga u ɦinira ŋgoo bagira mbayaw na. Ni ana hu Kesalom hoŋ ay ga Betsemes u Timma na.

¹¹ Ii hakara jak ta ta Ekron ii mbayaw na tuɗ hu Sikkaron jak kay ɦinira Baalara tuɗ ta ta Yabneel tew ay ki fun mbo lum ŋgolna.

¹² Ii hakara ay u fiɗiginara ni mbo lum ŋgol ma Mediteranena gaw. Gola mbassa ɦaɗ maŋ dee suu vi Yudana li ni ko wandara na.

Kaleb ti mbassa Hebronda

¹³ Kaleb ma goŋ Yefunena asi ɦam lina duk dee suu vi Yudana ko ndal Yawe di Josuwera na may. Ҥammi Kiriat-Arba ni mbassa Hebronda. Arba namma ni bu Anak.

¹⁴ Kaleb dik goryoŋ Anak suu hindina kiyo, ni Sesai, Ahiman u Talmai ni njaf suu vi Anakŋa.

¹⁵ Ay hu Hebron nam tuɗ duu u suu Debirna. Fok jew ni sem zi ma Debirna ni ana Kiriat-Sefer.

¹⁶ Kaleb di ana, «Sa ma dik zi ma Kiriat-Sefer kina ni an ɦam goonda Aksa ki a cara.»

¹⁷ Otniyel ma goŋ Kenazna ma wayaŋ Kalebma dik zi namma kiyo. Kaleb ɦam goromba Aksa ki a cara may.

¹⁸ Hu li ma ndaɗ mba ki vi Otniyel may ni ndaɗ dam ana nam joɓoɗ buɗ nam ɦasi li ma senena. Buu maa dew ndaɗ mbay eg buɗ cuk ay ki ga kay korna. Kaleb joɓoɗ ana, «Ndak min mege?»

¹⁹ Ndaɗ hoŋom dira ana, «Wan hahawan na wige, ɦan li ma mbona na nde may, kay li ma aŋ ɦanna ha hu Negeb wanna yo ka huɗi.» Kaleb ɦaɗ lok mayra ay kolora u lokka ga ura lay.

Ҥoŋzi ŋgolo ma Yudana

²⁰ Gola ni jo ma njaf suu vi Yudana fam namma, ɓorowosina ni u deeresiya.

²¹ Ҥoŋzi ŋgolo ma ha ga ura dodora ii hakara u Edomba ni vi gi Kabseel, Yagur u Eder.

²² Kina, Dimona, Adeada,

²³ Kedes, Hasor-Yitnan

²⁴ Zif, Telem, Bealot,

²⁵ Hasor-Hadatta, Keriyot-Hesrommi ana Hasor.

²⁶ Amam, Semma, Molada

²⁷ Hasar-Gadta, Hesmon, Bet-Pelet.

²⁸ Hasar-Sual, Berseba, Bizyoteya

²⁹ Baala, Iyim, Essem.

³⁰ Eltolad, Kesil, Horma.

³¹ Siklag, Madmanna, Sansanna

³² Levaot, Silehim, Ain, Rimmon, ɦoŋzi ŋgolona halaŋ dok mba yam dleeŋe u ɦoŋzi ma gorina um ga hu olo.

³³ Suu cuki hu mbassa ga ura ni gi Estaol, Sora, Asna.

³⁴ Zanoa, Ein-Gannim, Tappua, Einam.

³⁵ Yarmut, Adullam, Soko, Azeka,

³⁶ Saaraim, Aditaim, Gedera, Gederotaim, ɦoŋzi ma ŋgolona doogo yam fiɗi u ɦoŋzi ma gorina um hu olo.

³⁷ Senan, Hadasa, Migdal-Gad.

³⁸ Dilean, Mispe, Yokteel.

³⁹ Lakis, Boskat, Eglon.

⁴⁰ Kabbon, Lahmas, Kitlis

⁴¹ Gederot, Bet-Dagon, Naama, Makeda, ɦoŋzi ma ŋgolona doogo yam karkiya u ma gorina um hu olo.

⁴² Libna, Eter, Azan.

⁴³ Yifta, Asna, Nesib.

⁴⁴ Keila, Akzib, Marsa, ɦoŋzi ma ŋgolona dleeŋe u ma gorina um hu olo.

⁴⁵ Ekron, suu mamsina u ɦoŋzi masina.

⁴⁶ Col ha Ekron ii u fiɗigina na u suu tok eg Asdodna halaŋ u ɦoŋziisina halaŋ.

⁴⁷ Asdod u njafasiya u ɦoŋziisina ta ta tew ay eg mbo lum ma Egiptena mbo lum ŋgol ma Mediteranena u lii ŋguyumma.

⁴⁸ Suu kolo kay ɦinirana ni Samir, Yattir, Soko.

⁴⁹ Danna, Kiriat Sanna ni ana Debir.

⁵⁰ Anab, Estemoa, Anim.

⁵¹ Gosen, Holon, Gilo, ɦoŋzi ma ŋgolona doogo yam dew u ma gorina hu olo.

⁵² Arab, Duma, Esean.

⁵³ Yanum, Bet-Tappua, Afeka.

⁵⁴ Humeta, Kiriat-Arba, ni ana Hebron, Sior, ɦoŋzi ma ŋgolona dleeŋe u ma gorina um hu olo.

⁵⁵ Maon, Karmel, Zif, Yutta.

⁵⁶ Jizreel, Yokdeam, Zanoa

⁵⁷ Kain, Gibea, Timna, ɦoŋzi ŋgolona doogo u ma gorina hu olo.

⁵⁸ Halhul, Bet-Sur, Gedor.

⁵⁹ Maarot, Bet-Anot, Eltekon, ɦoŋzi ŋgolona karkiya u ma gorina hu olo.

⁶⁰ Kiriat-Baal ni ana Kiriat-Yearim, Rabba, ɦoŋzi ŋgolona mba' u ma gorina hu olo.

⁶¹ Suu cuki ŋgoo bagi hu fullana ni, Bet-Araba, Middin, Sekaka,

⁶² Nibsan, Ir-mela, Ein-Gedi, ɦoŋzi ma ŋgolona karkiya u ma gorina hu olo.

⁶³ Suu Jebusna suu ka cuki hu Yerusalemma njaf suu vi Yudana ka dikisi kiɗi. Suu Jebusna hin cuki duk suu vi Yudana gak gak ta ta cemi ni.