JOEL 3 - Boy Lonana

Yawe hin njay Musuk mamba ki kay suuna halaŋ

¹ Ŋgoo dagan dla ndaɗta wanni, an hin njay Musuk manda ki kay suuna halaŋ. Goryogi u gorɓii magisina hin jok boyna kiyo, suu maana doyra hin dasiya, gorzoŋŋi magisina hin wi tlena.

² Kay suu sunda njufiina u boyogina lay, hu li namma an hin njay Musuk manda kasiya.

³ An hin li dlara mbuɗ mbuɗta kolo huulona, kaŋga kay ndaŋgara lay, busuna, kura, ndoosna.

⁴ Faɗta hin mbuɗ ki ndufunda, tilna hin mbuɗ ki busuna may, hu buu ma Yawe mbana ma dlam ti tara ɦayna.

⁵ Na ɗaŋŋi suu hin yi sem Yawena hin suɗ kiyo. Kay ndaɗta suuna hin hin ha kolo kay ɦinira Siyonda u Yerusalem ko Yawe dira na, duk suu hinna Yawe hin yiya.