JOB 25 - Boy Lonana

Bildad Boy ma Bildad dam a hindirana

¹ Bildad ma Kuhana gijaŋ njaɗta di ana,

² Lona ni sa ma saɓakŋa u ŋgolla kom belna. Nam ndak a tin heɓpa kay ndaŋgara ta ta huulona.

³ Sa ma ndak a ndumum suu duu mamsina ni gege? Sa ma kiɗik Lonara hin mbay tew ki kamma ni gege?

⁴ Sana a ndak li ki na ɗegee fok Lona ni ana mege? Sa ma cara vuɗumma hin li ki na teteɗ ni nanage?

⁵ Lini tilna lay fokommi ka kiɗikgi, ciciwra irimmi ka teteɗɗi lay.

⁶ Hin di kay sa warna ni njufulna ɦawaa, goŋ Adamma ni ko ŋgo ŋgorgona ɦawa na hin di kammi ana mege?