JEREMI 45 - Boy Lonana

Boy ma Bu Suuna dam maŋ Barukŋa

¹ Boy ma sa jok vun Lona, Jeremi, ɓakam maŋ Baruk ma goŋ Neriyana hu li ma nam ka ɓii boy namma hu magaarana. Jeremiɓakam boy namma ni namu, ni hu bassara fiɗira vi Joakim ma goŋ Josiyasna, mul ma Yudana.

² Na ɗaŋŋi Yawe, Lona vi Israel, ɓak aŋ Baruk ana,

³ «Aŋ di ana an ki mbuɗi hahawi, Yawe waɗan ay kay waɗta an faɗ ki jewra. An ki loɓi ko oyra an oy tanda. An ka fi li ma koɗ tanɗi.

⁴ Gola ni dlara aŋ hin dambara, Yawe ɓak anaba, Va ma an minimma an ɓeŋem ki ni an lay. Va ma an pamma, an paɗam ki u sarayam halaŋ kay ndaŋgara.

⁵ Aŋu, aŋ hal a li ni tlesuu ŋga Lona. Saa kasi oloɗi. An mba dla cora kay suuna halaŋ may kaŋ aŋ wanni an ɦaŋ voɗta a li iiri hu li ma aŋ tuɗ hurumma bel.»