EZDRAS 10 - Boy Lonana

Suu juifna dik boyogii suu koyogina kiyo

¹ Hu li ma Ezdras ka cen may hom u tiina kay suluk mamma kaŋga goɓi fun Ziŋ Lonara, suu Israelna tokira bolow cocoo. Njufiina u boyogiina kem gorira may tok tasi egem kay ana suuna tii u simina irisi cocoo.

² Na ɗaŋŋi Sekaniya ma goŋ Yehiyelna maa dew duk goryoŋ Elamma ɓak Ezdras ana, «Ami mbuɗ ki cora ii Loomina ni u ɗumba ami ɗum boyogi suu koyogina duk suu hu mbassanara. Na may kay dla ndaɗta saara jivira ka kay Israel,

³ Cecem wanda vaygi vunuygiya, vaygi galamba u Looygina a dikiygi boyogina halaŋ u goryosiya, u gaɗta vi malannara u ta vi suu li ndaana u gaɗta vi Looyginara. Ko dla ndaɗta li ki u gaɗta.

⁴ Col, koloo, kay ana boy namma ni kaŋu, ami ka ni uŋu, li saɓakŋa u sunda.»

⁵ Na ɗaŋŋi Ezdras col kolo. muli ŋgolo suu li ɓivunnana, suu Levina, suu Israelna halaŋŋa li ko di kira na. Asi hin suu tasiya.

⁶ Ezdras col ki kolo hu li ma nam ay huna, irim ha fun Ziŋ Lonara na. Nam tuɗ ha hu goŋga vi Yohanan ma goŋ Eliyasibma na. Nam tew ha ki hu may ni ka min a ti mappaɗi lay, ci yoɗi lay, kay ana nam li ni doo dla cora vi suu yowosi ay ki mbaɓurana.

⁷ Asi njay boy namma ɓakam ha ki hu Yuda, hu Yerusalem lay u sem suu yowosi ay mbaɓurana a asi tok tasi hu Yerusalemba.

⁸ Gegelay ni hin ka hoŋ ay vo hu buu ma hindinaɗi u gaɗta vi mulina u suu basinara, bege mamba bel doo ki kaɗu, nam tamba lay hin dikim ki duk suu yowosi ay mbaɓurana.

⁹ Na ɗaŋŋi suu vi Yudana halaŋ u suu vi Benjaminna tok tasi hu Yerusalem hu buu ma hindina ni buu ma dok-mbana vi til ma dleeŋena. Suuna halaŋ kak hu li ma Ziŋ Lonara ka huna dlak ko ndaana kay dla ndaɗta kay mbo Lona may.

¹⁰ Mul ma li ɓivunna, Ezdras, col kolo dasi ana, «Agi mbuɗ ki coo, yowogi boyogi suu koyogina ni wul dla cora vi suu Israelna ni wuliya.

¹¹ Cecem wanda homogi fok Yawe, Lo ma vi somoyogina, lagi min mamba, ɓorowogi dukugi ki u suu hu mbassana u boyogi suu koyogina.»

¹² Suu tokina halaŋ hoŋ dira kolo u delesi eŋga ana, «Ni gasi, aygi li ko boy mamma dira na.

¹³ Na may suuna bolow coco ni hu ndolla gaw may, asi ka ndak a col ki kiɗikgi. Olo ka ni dlara ii buu dew ɗowba mba' daŋ hawaɗi, kay ana aygi bolow a li suluk ma ko ndaɗta nana.

¹⁴ Ko muli maygisina col tana na u sem suu tokina ɗaŋ, ko suu hu ɦoŋzi maygina suu yow boyogi suu koyoginana halaŋ mbay hu buu ma ŋgaamma u suu basi suu hu ɦoŋzi maanagelay, suu kaɓakŋa lay ta ta a yara vi Looyginara ɦuɗ ki egeygi kay dla ndaɗta.»

¹⁵ Hu li namma ɗaŋŋi Yonatan ma goŋ Azahelna u Yazeya ma goŋ Tikwana min boy namma kaɗi. Mesulam u sa Levina Sabetay soosi usiya.

¹⁶ Na may suu yowosi ay mbaɓurana li ni ko suuna dira na. Ko tasi u mul ma li ɓivunna, Ezdras, asi man suuna, malayaŋ zina gegelay kay ziŋ somoyomma. Asi halaŋ gegelay yam ki u semu. Asi lak kaŋga a hal u dlara ni hu buu ma jewna vi til ma doogona.

¹⁷ Hu buu ma jewna vi til ma jewna asi daɓ ki u suu yow boyogi suu koyoginana.

Sem suu Juif suu li corana

¹⁸ Duk goryoŋ muli suu li ɓivunnana suu yow boyogi suu koyoginana ni aygi fi ni, duk goryoŋ Josuwe ma goŋ Yosadakŋa u gorsemma, Maseya, Eliyezer, Yarib u Gedaliya.

¹⁹ Asi ɦal tasi a dik boyogosi ki u bik kosiya, a ɦal gamla ma li ɓivun ma taɓ dukka kay suluk masina.

²⁰ Duk goryoŋ Imerna, Hanani u Zebadiya,

²¹ Duk goryoŋ Harimma, Maaseya, Eliya, Semaya, Yehiyel u Uziya.

²² Duk goryoŋ Pasehurna, Eliyohenay, Maaseya, Ismael, Nataneyel, Yozabad u Elasa.

²³ Duk suu Levina, Yozabad, Simey, Kelaya, ɗowba Kelita, Petahiya, Yehuda u Eliyezer.

²⁴ Duk suu gi soolla, Elyasib. Duk suu kak fun zirana, Salum, Telem u Uri.

²⁵ Kay suu Israelna may ni, duk goryoŋ Parokŋa, Ramya, Yiziya, Malkiya, Miyamin, Elazar, Malkiya u Benaya.

²⁶ Duk goryoŋ Elamma, Matanya, Zakari, Yehiyel, Abdi, Yeremot u Eliya.

²⁷ Duk goryoŋ Zatuna, Eliohenay, Eliyasib. Mataniya, Yeremot, Zabad u Aziza.

²⁸ Duk goryoŋ Bebayna, Yohana, Hananiya, Zabay, Atlay.

²⁹ Duk goryoŋ Banina, Mesulam, Maluk, Adaya, Yasub, Seal, Yeramot.

³⁰ Duk goryoŋ Pahat-Moabma, Adna, Kelal, Benaya, Maaseya, Mataniya, Besalel, Binuy, Manase.

³¹ Goryoŋ Harimma, Eliyezer, Isiya, Malkiya, Semaya, Simon,

³² Benjamin, Maluk, Semariya,

³³ Duk goryoŋ Hasumma, Matenay, Matata, Zabad, Elifelet, Yeremay, Manase, Simey.

³⁴ Duk goryoŋ Banina, Maaday, Amram, Uel,

³⁵ Benaniya, Bediya, Keluhu,

³⁶ Vanya, Meremot, Eliyasib,

³⁷ Matanya, Matenay u Yasay,

³⁸ Bani u Benuy, Simey,

³⁹ Selemiya, Natan, Adaya,

⁴⁰ Maknadebay, Sasay, Saray,

⁴¹ Azarel, Selemiya, Semariya,

⁴² Salum, Amariya, Yosef,

⁴³ Duk goryoŋ Nebona, Yeyel Matitiya, Zabad, Zebina, Yaday, Joel, Benaya.

⁴⁴ Suu asina halaŋ ca ni ɗum boyogi suu koyogina vo varasi lay, boyogi suu ɦiw asi vuɗ gorra u asi lay.