EZAYI 4 - Boy Lonana

¹ Hu buu namma ni boyogina kiɗisiya tok kay njuf ma dewna, dam ana, «Ami hin tami ni ti mamina, cukumi ni baraw mamina may, aŋ tlami zolona ki kamiya, ami lak halaŋŋi u seŋu.»

Yerusalem hin min balamaɗu

² Hu li namma ni Yawe hin day ii ŋgusna koloo, humum ɗuf lay. Ŋgus namma suuna hin ŋgaam cocoo, vuɗ dlara hu mbas ndaɗtara hin li ni furira u ayra maŋ u suu Israel suu hin ndena.

³ Hu li namma sa ma hin hu Siyonna u ma hin hu Yerusalemma hin yasi ni ana suu teteɗna. Ni kay suu sesi ɓiiri a lak iiri hu Yerusalemma halaŋ.

⁴ Ni ŋgoo dagan hu li ma Bu Suuna mbus zozoɗta delbuɗna vi gorɓii suu hu Siyonna kina. Tok busu ma vo hu Yerusalemma ki may. Ni hu li ma nam fo lina ki u semeɗ mam ma ɗegeena, mbuɗum ki teteɗ u jivi mambana.

⁵ Kolo kay ɦinira Siyonda halaŋŋi Bu Suuna li ɗugulla kolo u ndoosna kay suuna, njeŋge ni nam lasi kiɗikka kasi may kay bibiŋilla vi Lonara li kolo a gol yam zina halaŋ.

⁶ Bibiŋil mamba ni ko ndal zira kuluɓii kasi a doo faɗta u zamalla na, njun kasi ko babaana u lo ma sira na may.