EZAYI 12 - Boy Lonana

Soolla Gi deɓpa

¹ Hu buu namma ni suuna hin di ana, Ami gaŋ deɓe, Yawe, kay aŋ li yara egemiya, na may huruŋ heɓ wa, aŋ ɗilimi irimi wa.

² Gola, Lona ni sa ma suɗunna, an tin hurunni kamu, va ma lan kaɗi, kay saɓak manna u soolla an gaɗta ni Yawe dew. Nammi sa ma suɗunna.

³ Agiya, googi yona u furira hu goloŋga suɗta.

⁴ Agi hin ɓak hu buu namma ana, Gagi deɓpa maŋ Yawe, yagina sem ha koloo, dam sun mamba ha ki duk suuna, dagi ki ana semmi dlam ŋgol cocoo.

⁵ Gagi soolla geleɗ Yawe, kay nam li dlaamba ni u jivira. Ko suuna dam dlam ha ki kay yam ndaŋgara halaŋ.

⁶ Gagi soolla furira agi suu cuki hu Siyonna, kay ma teteɗ ma vi suu Israelna nam ŋgol cocoo, nam ka dukugiya.