1 MULINA 4 - Boy Lonana

Suu ŋgolo suu li sunda vi Salomon u suu fok suunana

¹ Ko ndaɗta na mulna Salomon ti mulla kay suu Israelna halaŋ.

² Gola ni sem muli suu ka li sunda fokomma. Mul ma li ɓivunna Azariya, ma goŋ Sadokŋa.

³ Suu ɓii magaara ni Elihoref u Ahiya. Asi ni goryoŋ Sisana. Josafat ma goŋ Ahiludna ni sa ma fun mulnana.

⁴ Sa ma ŋgol asgaana ni Benaya ma goŋ Yoyadana, Sadok u Abiyatar ni muli suu li ɓivunna.

⁵ Azariya ma goŋ Natanna ni a ŋgolla fok suu ŋgolo suu li sunda halaŋ. Zabud ma goŋ Natanna ni mul ma li ɓivunna ni sa ma eg mulna a dam gaɗtana lay.

⁶ Sa ma ŋgolla kay zi ma vi mulnana halaŋŋa ni Ahisar, mul ma vi taara ay kom halaŋŋa ni Adoniram ma goŋ Abdana, sunda nekka halaŋ nammi ŋgol maɗta.

⁷ Salomon muli mam suu ŋgolona ka ni doogo yam mba' ni suu a ɦal tina ay vo vi mulnana. Asi ki ɓorowi ni hu mbassa vi suu Israelna halaŋ. Asi ɦal tina ay maŋ mulna u suu ka li sunda vi mulnana halaŋ. Dukusi ni asi mbuɗ tasi a li sunda ni til dew dew bel hu basara.

⁸ Gola ni sem suu asina. Goŋ Hurna ay ni vi suu kolo kay ɦinira Efrayimba.

⁹ Goŋ Dekerna hu Makas, hu Kaalbim, hu Bet-Semek hu Elon u Bet-Hanan.

¹⁰ Goŋ Hesedna hu Arubot nam li sunda hu mbassa Sokota u mbassa Heferra halaŋ.

¹¹ Goŋ Abinadabma li sunda hu mbassa Dorra halaŋ. Tafatta goŋ Salomonda ni caamba.

¹² Baana goŋ Ahiludna li sunda hu Taanak, Megido u Bet-Sean ta ka ki tok eg Sartan kolo kay Jizreel nara col ay Bet-Sean ta ta Abel Mehola tuɗ ay ta ta kolo kay Yokŋeam.

¹³ Goŋ Geberna hu Ramot ta Galaadta, nam ka u dee suu vi Yair ma goŋ Manasena vi zina keŋem hu may. Asi ka ni hu Galaad, mbassa vi suu vi Argobma ka hu may, asi ni hu Basan. Ҥoŋzi ma ŋgolona dok-karkiya gulumunna ki gi kasiya, u vun grekŋa dugi u kawi ma tlawna may.

¹⁴ Ahinadab, ma goŋ Idona, ka hu Mahanaim may.

¹⁵ Ahimaas ka hu Neftali nam vi goora vi Salomon um a cara may, seɗ ana Basmat.

¹⁶ Baana ma goŋ Husayna ka hu mbassa vi Aserra u Bealot.

¹⁷ Yosafat, ma goŋ Paruwana, ka hu mbassa vi Isakarra may.

¹⁸ Simey, ma goŋ Elana, ka hu mbassa vi Benjaminda.

¹⁹ Geber, ma goŋ Urina, ka hu mbassa Galaadta nam ka ni hu lina vi Sihon mul ma Amorna u Og, mul ma Basanna, mul ma ay jew kay mbas ndaɗta halaŋŋa ni dew.

²⁰ Yuda u Israel ay zulira ni ko ŋgetl ma doŋ lummana na. Asi ka u tlesuu tira u suu cira lay. Asi ka furi cocoo.