1 DLAŊ MULINARA 9 - Boy Lonana

¹ Suu Israelna halaŋ ndumusi kiyo, ɓiirisi sesi ki hu magaara vi muli suu Israelnara. Suu vi Yudana yowosi tuɗusi ki Babilon mbaɓura ni kay dla coosira.

Suu hu Yerusalemma

² Suu cuk zina jew kasi u bege masira min ɦoŋzina mayna ni suu Israelna, muli suu li ɓivunna, suu Levina u suu li sunda hu Ziŋ Lonara.

³ Goryoŋ Yuda suu ɦiw kak hu Yerusalem, goryoŋ Benjaminna, goryoŋ Efrayimma u suu vi Manasena.

⁴ Utay ma goŋ Amihudna, goŋ Omrina, goŋ Imrina, goŋ Banina duk goryoŋ Peresna, goryoŋ Yudana.

⁵ Duk suu vi Silana, Azaya ni ma vuɗ jewna u goryomu.

⁶ Duk goryoŋ Zerana ni Yewel. Asi u gorsesina halaŋŋi 690.

⁷ Duk goryoŋ Benjaminna ni Salu ni goŋ Mesulamma, goŋ Hadaviyana goŋ Hasenuana.

⁸ Ibneya ni goŋ Yerohamma, Ela ni goŋ Uzina, goŋ Mikrina, Rewel ni goŋ Ibniyana.

⁹ U gorsesina ko hu deeresira na 956. Suu asina halaŋŋi suu ay fok suuna hu dee masirana.

¹⁰ Duk muli suu li ɓivunna ni Yedaya, Yoyarib, Yakin,

¹¹ Azariya ma goŋ Hilkiyana ma goŋ Mesulamma, goŋ Sadokŋa, goŋ Merayotna, goŋ Ahitubna, mul ma hu Ziŋ Lonara.

¹² Adaya goŋ Yeroamma, goŋ Pasehurna, goŋ Malkiyana u Masay ma goŋ Adiyelna, goŋ Yazerana, goŋ Mesulamma, goŋ Mesilemitna, goŋ Imerna.

¹³ U gorsesi suu fok suu hu dee masirana 1,760 a li sunda hu Ziŋ Lonara.

¹⁴ Duk suu Levina ni Semaya goŋ Hasubma, goŋ Azrikamma, goŋ Hasabiyana duk goryoŋ Merarina.

¹⁵ Bakbakar, Herek, Galal u Mataniya goŋ Mikana, goŋ Zikrina, goŋ Azafna.

¹⁶ Obadiya goŋ Semayana, goŋ Galalna, goŋ Yedutumma u Berekiya goŋ Azana, goŋ Elkanana kakira ni hu zi ma vi suu Netofana.

¹⁷ Suu gol u vun zira Salum, Akub, Talmon, Ahiman u gorsesina. Salummi sa fokosina.

¹⁸ Ta ta karam lay ni ka col fun ziŋ mulnana maɗiina ni asi suu col fun kaana ni goryoŋ Levina.

¹⁹ Salum goŋ Korena, goŋ Abiya-Safna, goŋ Korena u gorsem suu hu dee mambana suu vi Korena ni suu li sunda gol u vun mbutluɓma. Somoyosi li ay jew li ni sun mayra gol u vun kaa ma vi Yawena.

²⁰ Pinhas goŋ Eleazarna ay jew ni sa fokosina. Yawe ay u namu.

²¹ Zekari goŋ Meselemiyana ay ni sa gol u vun gerek mbutluɓ ma li tokka.

²² Suu asi ŋgaɓasi ay a gol u vun gerekŋa halaŋŋi 212. Asi ndumusi ay ki ni hu ziisina. Ni David u Samuel ma wi dlara tinisi hu sun ndaɗta fafaɗ ni asiya.

²³ Asi u goryosi varak tasi a gol u vun Ziŋ Yawera, ni ana vun zira mbutluɓma.

²⁴ Suu gol u vun zira ki cukira hu keŋ ko li ma fiɗina halaŋ, u maɗiinaa, u fiɗigina, mbayaw may, dali may.

²⁵ Gorsesi suu ay vo hu zinana mbay usi tew tew ii buuna kiɗisiya.

²⁶ Na may suu fok suu gol u vun zira suu fiɗina kakira eg liisi ni a fafaɗta. Suu Levina ni suu tuɗ ay hu zira fun tlesuu hu Zira vi Lonara.

²⁷ Asi buu njeŋge ni ŋguy kay Ziŋ Lonara kay ana asi ni suu goloɗ uɗna may, malaɗ vunuɗ ki maɗii tew tew mayna.

²⁸ Suu ɦiw dukusi li sunda ni hu li ma tlesuu li ɓivunna huna. Asi ndumusi tew tew hu li ma asi yowosi ay ki bunsuna lay, hoŋosi kalafina lay.

²⁹ Suu ɦiw dukusi li sunda ni hu li ma tassagina huna. Hu li ma tassagi suu ki teteɗna huna, hu li ma fuɗta, sum veŋŋa, mbulna, mbitla u mbul ma his jivina huna.

³⁰ Ni goryoŋ suu li ɓivunnana tlum ii tlesuu ɗususi his jivina ni asiya.

³¹ Matitiya duk suu Levina ni goŋ Salum ma Kore ma vuɗ jew ma li sunda tew tew hu li ma zal komnjoɗinana.

³² Duk goryoŋ suu vi Kehatna, gorsesi suu ɦiw li sunda ni hu li ma cuf mappa ma li ɓivunna u nam hu buu ma vi Lonana tew tewna.

³³ Suu gi soolla, suu fok suu vi Levina buu ni hu zira kurufu, sunda daŋ ka kosiɗi kay ana asi li sun masira ni faali may, njeŋge lay.

³⁴ Suu fok suu li sun suu vi Levina sun masira ni na, gegelay fok suu hu dee mambana. Asi kakira ni hu Yerusalem.

Njaf suu vi Solna

³⁵ Bu Gabaon kakira ni hu Gabaon, Yeyel, caamba yaɗ ana Maka.

³⁶ Abdon gorom ma vuɗ jewna u Sur, Kis, Baal, Ner, Nadab,

³⁷ Gedor, Ahiyo, Zekari u Miklot.

³⁸ Miklot vuɗ Simam. Asi may ni ko gorsesina lira na kak hu Yerusalem u asiya.

³⁹ Ner vuɗ Kis, Kis vuɗ Sol, Sol vuɗ Jonatan, Malkisua, Abinadab u Isbaal.

⁴⁰ Goŋ Jonatanna ni Meribaal. Meribaal vuɗ Mika.

⁴¹ Goryoŋ Mikana ni Piton, Melek, Tarea,

⁴² Ahaz vuɗ Yara. Yara vuɗ Alemet, Azmavet u Zimri. Zimri vuɗ Mosa.

⁴³ Mosa vuɗ Binea. Refaya goromma, Eleasa goromma, Asel goromma.

⁴⁴ Asel vuɗ gorra karkiya. Gola ni sesiya, Azrikam, Bokru, Ismael, Seariya, Obadiya u Hanan. Ca ni goryoŋ Aselna.