1 DLAŊ MULINARA 5 - Boy Lonana

Njaf suu vi Rubenna

¹ Rubenni goŋ Israel ma vuɗ jewna. Nammi ma vuɗ jewna may hu li ma nam ɓeŋ li ma buu ma vi bumma kina, ŋgol mamba ɦaɗ ki maŋ Yosef ma goŋ Israelna. Nam mbuɗ ki ni ko sa ma viɗ ŋgol mamba kina na.

² A gasira Yuda ni ma ŋgolna duk gorsemma. Sa hin ti mullana kal ay ki ni egemu, may ŋgolla hu vuɗtara ki ni maŋ Yosef.

³ Goryoŋ Ruben ma goŋ Israel ma vuɗ jewna ni Hanok, Palu, Hesron u Karmi.

⁴ Goryoŋ Joelna ni Semaya, Gog, Simey

⁵ Mika, Reaya, Baal,

⁶ Beera ma Teglat-Falasar, mul ma Asirina, tuɗum ki mbaɓurana, nammi mulna vi suu vi Rubenna.

⁷ Gorsemma ni ko hu deeresira na, ɓiirisi sesi ni u sem somoyosi suu jewna, ay fok jew ni Yeiyel, Zekari,

⁸ Bela ma goŋ Azazna, goŋ Semana, goŋ Joelna, nam kakŋi hu Aroer hin tuɗ ki hu Nebo u Baal-Meon.

⁹ Asi kak u faɗ maɗii ta ta hu vun grek ma hu fullana, col ay hu lum ma Efratna day kay ana yoori masisina bolow coco hu mbassa Galaadta.

¹⁰ Hu cokira vi Solla ni asi li duuna u suu Hagrina. Asi ndi hu duk kosiya. Asi kak hu mbutluɓ masina hu ii ko ma u maɗiina ma Galaadna.

Njaf suu vi Gadna

¹¹ Goryoŋ Gadna ay ii ko hiŋŋa fokosi na ni kak hu mbassa Basanda ta ta tew ki hu Salka.

¹² Sa fokosina ni Joel, ha kam a mbara ni Safam, gi Yanay u Safat hu Basan.

¹³ Gorsesina u njaf suu masisina ni, Mikael, Mekulam, Seba, Yoray, Yakan, Ziya u Eber, asi halaŋ kiɗisiya.

¹⁴ Gola ni goryoŋ Abihailna, goryoŋ Hurina, goryoŋ Yaroana, goryoŋ Galaadna, goryoŋ Mikaelna, goryoŋ Yesisayna, goryoŋ Yadona, goryoŋ Buzna.

¹⁵ Ahi ma goŋ Abdiyelna, goŋ Gunina ay fokosi a ŋgolla hu dee masira ni namu.

¹⁶ Asi kak hu Galaad, hu Basan, hu ɦoŋzi ma ŋguy kamma, hu li ma taa yoorina ma hu Saronna ta ta hu vunumba do dora.

¹⁷ Asi halaŋŋi ndumusi ki hu cokira vi Yotam, mul ma Yudana, hu cokira vi Jeroboam, mul ma Israelna.

¹⁸ Goryoŋ Rubenna, suu Gadna u nus njaf suu vi Manasena ni duk suu saɓak cocona, suu yow mbarina kosi u ŋgewnana, suu wi mun mburura haɗi ki u duunana 44,760, suu ndaki a tuɗ fun duunana.

¹⁹ Asi li duuna u suu Hagrina u suu vi Yaturna, suu vi Nafikŋa, suu vi Nodabma.

²⁰ Asi fi njunda. Suu Hagrina cuk ki hu duk kosi u suu ay usina halaŋ kay ana hu li ma duuna wanni asi yi Lona ha koloo, nam humusiya kay ana asi tin hurusi kamu.

²¹ Asi yowosi yoori masisina, jamballa 50,000, yoori suu gorina 250,000, korra buɓ buɓ mba', suu warna 100,000 may.

²² Suuna bolow coco ki cukira kaŋga na saɓaw kay ana Lona li duu namma ni namu. Asi kak hu liisi namma ta ta hu buu ma mbeera.

Njaf suu vi Manasena hu keŋ lumma Jordanna u maɗiina

²³ Goryoŋ nus njaf suu vi Manasena kak hu mbassa Basanda day ta ta Baal-Hermon, hu Senir u ɦinira Hermonda. Asi bolow cocoo.

²⁴ Gola ni suu ŋgolo suu fokosi hu dee masirana, Efer, Isey, Eliyel, Azriyel, Imeya, Hodaviya u Yadiyel. Ni suu saɓak cocona, suu sesi tii kina, suu fokosi hu dee masirana.

²⁵ Asi vi ka u Lo ma vi somoyosinaɗi, goɓ kaŋga ni fok loogi suu vi suu hu mbassa suu Lona bulumusi ki fokosina.

²⁶ Na ɗaŋŋi Lo ma vi suu Israelna zuɗ u Pul, mul ma Asirina, u Teglat-Falasar, mul ma Asirina, asi yowosi ki mbaɓura, suu vi Rubenna, suu vi Gadna u nus njaf suu vi Manasena tuɗusi ki hu Hala, hu Habor, hu Hara, fun lum ma Gozanna ta ta karami.

Njaf suu vi Levina

²⁷ Goryoŋ Levina ni, Gerson, Kehat u Merari.

²⁸ Goryoŋ Kehatna ni Amram, Isar, Hebron u Uziyel.

²⁹ Goryoŋ Amramma ni Aaron, Moiz u Miriyam. Goryoŋ Aaronna ni Nadab, Abihu, Elazar u Itamar.

³⁰ Elazar vuɗ Pinhas, Pinhas vuɗ Abikua.

³¹ Abikua vuɗ Buki, Buki vuɗ Uzi.

³² Uzi vuɗ Zeraya, Zeraya vuɗ Merayot.

³³ Merayot vuɗ Amariya, Amariya vuɗ Ahitub.

³⁴ Ahitub vuɗ Sadok, Sadok vuɗ Ahimaas.

³⁵ Ahimaas vuɗ Azariya, Azariya vuɗ Yohanan.

³⁶ Yohanan vuɗ Azariya. Nammi sa li ɓivunna hu Ziŋ Lonara ta Salomon miniɗ hu Yerusalemba.

³⁷ Azariya vuɗ Amariya, Amariya vuɗ Ahitub.

³⁸ Ahitub vuɗ Sadok, Sadok vuɗ Salum.

³⁹ Salum vuɗ Hilkiya, Hilkiya vuɗ Azariya.

⁴⁰ Azariya vuɗ Seraya, Seraya vuɗ Yosadak.

⁴¹ Yosadak tuɗ ki ni hu li ma Yawe yow Yuda u Yerusalem ki mbaɓura maŋ Nabukodonosorna.