1 DLAŊ MULINARA 4 - Boy Lonana

Njaf suu vi Yudana sesi ma daŋŋa

¹ Goryoŋ Yudana ni Peres, Hesron, Karmi, Hur u Sobal.

² Reaya ma goŋ Sobalna vuɗ Yahat. Yahat vuɗ Ahumay u Lahan. Ni deera vi suu Sorana.

³ Gola ni goryoŋ Hur ma bu Etam, Jireel, Isema u Idbak, wayasira yaɗ ana Haslelponi.

⁴ Olo Penuwel ma bu Gedorna, Ezer ma bu Husana. Goryoŋ Hur ma Efrata vuɗum jewna ma bu Betlehemma ni ko wanda na.

⁵ Asehur ma bu Tekoana boyogina um mba', Hela u Naara.

⁶ Naara vuɗum Ahuzam, Hefer, njaf suu Temanina u njaf suu Ahasetarna. Halaŋ ca ni goryoŋ Naarana.

⁷ Goryoŋ Helana ni Seret, Sohar u Etnan.

⁸ Kos vuɗ Anub u Sobeba u dee suu vi Aharehel ma goŋ Harumma.

⁹ Yabes suuna ŋgaam su gorsemma, sum hin yam sem ana Yabes ni ana, «An vuɗ ni duk wihawra.»

¹⁰ Yabes yi Lo ma vi suu Israelna di ana, «Lini gasi aŋ paɗ vunuŋ ki kanu ni aŋ hin mbuɗun ndaŋga manda ŋgolla, koŋ hin li kanu, aŋ hin dikin dla cora ha ki egenu, ka an kal hu wihawraɗi. Lona hin li dlara nam joɓom kaɗta kiyo.»

¹¹ Kelub ma wayaŋ Suhana vuɗ Mehir ma bu Esetonna.

¹² Eseton vuɗ Bet-Rafa, Pasea, Tehina ma bu Nahasna. Halaŋ ca ni suu vi Rekana.

¹³ Goryoŋ Kenazna ni Otniyel u Seraya. Goŋ Otniyelna ni Hatat, u Meonotay.

¹⁴ Meonotay vuɗ Ofra, Seraya vuɗ Yoab ma bu Ge-Harasimma kay ana asi ni suu li sun guna.

¹⁵ Goryoŋ Kaleb ma goŋ Yefunena ni Iru, Ela u Naam. Goŋ Elana ni Kenaz.

¹⁶ Goryoŋ Yehalelelna ni Zif, Zifa, Tiriya u Azareel.

¹⁷ Goryoŋ Ezrana ni Yeter, Mered, Efer u Yalon. Caŋ Mered taa dew vi wiina vuɗ Miriyam, Samay u Isba ma bu Estemoana.

¹⁸ Caamba goora Yudara vuɗ Yered ma bu Gedorna, Heber ma bu Sokona, Yekutiel ma bu Zanoana. Halaŋ ca ni goryoŋ Bitiya ta goŋ Farawnda ta Mered ɗumuɗta.

¹⁹ Goŋ caŋ Hodiya ta wayaŋ Nahamba ni bu Keila ma Garmna u Estemoa ma Maakatna.

²⁰ Goryoŋ Simonna ni Amnon, Rinna, Ben-Hanan u Tilon. Goŋ Iseyna ni Zohet u goŋ Zohetna.

²¹ Goŋ Selana, goŋ Yudana ni Er ma bu Lekana, Lada ma bu Maresana, ni dee suu hu zi ma li sun baraw ma dereŋ cocona hu Bet-Asebe.

²² Yokim u suu vi Kozebana Yoak u Saraf ni suu vi Moab suu mulina, hin hoŋ ay Betlehem, halaŋ ca ni tlesuu basina.

²³ Ni suu min doyogina u suu cuki hu Nataim u Gederana. Asi kakŋi hu li namma ko tasi u mulna lam sunda.

Njaf suu vi Simeonna

²⁴ Goryoŋ Simeonna ni Nemuel, Yamin, Yarib, Zera, Sahul.

²⁵ Sallummi goromma. Mibsammi goromma. Misema ni goromma.

²⁶ Goryoŋ Misemana ni Hammuel, Zakur, Simey.

²⁷ Simey vuɗ gor njufiina doogo yam karkiya may gorɓiina karkiya may. Na may gorsemma vuɗ gor ka bolowɗi. Suu hu dee masirana ka bolow ko goryoŋ Yudana naɗi.

²⁸ Asi kakŋi hu Berseba, Molada, Hasar-Sual.

²⁹ Bilha, Esem, Tolad,

³⁰ Betuel, Horma, Siklag,

³¹ Bet-Markavot, Hasar-Susim, Bet-Biray Saaraim. Halaŋ gak gak ca ni ɦoŋzi masi ma hu cokira David ti mullana.

³² U ɦoŋzi ma gorina, Etam, Ain, Rimmon, Token, Azan ɦoŋzi ma vadlna

³³ u ɦoŋzi ma gori ma ŋguy kay ɦoŋzi nammana ta ta tew ki hu Baal. Ni ɦoŋzi ma asi kak ay huna u sem suu hu njafasina may.

³⁴ Mesobab, Yamlek, Yosa ni goryoŋ Amasiyana.

³⁵ Joel, Yehu ni goryoŋ Yosibiyana, goryoŋ Serayana, goryoŋ Asiyelna,

³⁶ Eliyohenay, Yakoba, Yekohaya, Azaya, Adiyel, Yesimiyel, Benaya,

³⁷ Ziza ni goŋ Sifeina, goŋ Alonna, goŋ Yedayana, goŋ Simrina, goŋ Simeyana.

³⁸ Suu li ndumusi ca wanna li ay ni mulina fok suu hu dee masirana, suu masisina zul bolow cocoo.

³⁹ Asi tew ha ki hu vun grek ma Gedorna ta ta ii ko ma u maɗiina hu ɦuɗugumba a hal li ma taa yoori masisina.

⁴⁰ Asi fi haɗ ma mbiira, ma jivi ɦayna, mbas ndaɗta ki bubu cocoo, heɓ lay kay ana suu li kaki hu jewna col ay ni hu njaf suu vi Kamma.

⁴¹ Suu ay ndumusi wanna ɗaŋŋi mbay ni hu cokira Ezekiyas, mul ma Yudana, ɓeŋ mbutluɓ masina ki lay, li ma asi ŋgay tasi huna ki lay, yi tlena ki kay tle asina ta ta karami. Asi kakŋi hu liisi ma dewna kay ana haɗna ka hu maŋ yoori masi suu gorina lay.

⁴² Goryoŋ Simeon suu ɦiw ni tuɗ kolo kay ɦinira Seira. Suuna kis kis vadl u suu fokosina Pelatiya, Neariya, Refaya u Uziyel, goryoŋ Iseyna.

⁴³ Asi poŋ suu vi Amalekŋa usira hinda hin kak hu li namma ta ta karami.