1 DLAŊ MULINARA 27 - Boy Lonana

Asgaa suu hu mul Davidtana min tasiya

¹ Gor suu Israelna suu fok suu hu deerana ndumusiya, suu fok suu buɓ buɓma u suu fok suu kis kisna, suu ŋgolo suu fok suu asgaana li sunda vi mulna kay ɓorow ii tlena, suu mbayna u suu kal ha kina tilna u tilna, til ma basarana halaŋ. Irisi ɓorow ki ni ko va ma hu 24.000 na.

² Kay suu kaasi irisi jew hu til ma jewna ni Yasobam ma goŋ Zabdiyelna suu ɓorowosi irisi umma ni ko va ma 24,000 na.

³ Nammi kay goryoŋ Peresna, hin ti kay suu ŋgolo suu fok suu asgaanana halaŋ hu til ma jewna.

⁴ Suu ɓorowosi irisi ki hu til ma mbana sa kasina ni Doday ma Ahoana, suu ɓorowosi irisi umma sa ti kasina ni Miklot. Asi ni ko va ma 24,000 na.

⁵ Sa ŋgol ma kay suu irisi ɓorowi a hindira hu til ma hindinana ni Benaya, goŋ mul ŋgol ma li ɓivunna, Yoyadana, suu irisi ɓorowi umma ndumusi ni ko va ma 24,000 na.

⁶ Benaya namma ni sa ma saɓak coco duk suu dok hindina. Nammi sa ŋgol masina lay. Suu irisi ɓorowi umma ni vi goromma Amizabad.

⁷ Sa a fiɗirana hu til ma fiɗina ni Azael ma wayaŋ Joabma u Zbevadiya gorom ma hin ka ŋgorom daganna. Suu irisi ɓorowi umma ni ko va ma 24,000 na.

⁸ Sa a vadllana hu til ma vadllna ni sa ŋgolna Samut ma Izrana. Suu irisi ɓorowi umma ni ko va ma 24,000 na.

⁹ Sa karkiyarana hu til ma karkiyana ni Ira ma goŋ Ikek ma Tekona. Suu irisi ɓorowi umma ni ko va ma 24,000 na.

¹⁰ Sa a kiɗisiyara hu til ma kiɗisiyana ni Heles ma Pelonna duk goryoŋ Efrayimma. Suu irisi ɓorowi umma ni ko va ma 24,000 na.

¹¹ Sa a kalavandira hu til ma kalavandina ni Sibekay ma Husana duk suu Zerana. Suu irisi ɓorowi umma ni ko va ma 24,000 na.

¹² Sa a dleeŋerana hu til ma dleeŋena ni Abiyezer ma Anatotna, duk suu vi Benjaminna. Suu irisi ɓorowi umma ni ko va ma 24,000 na.

¹³ Sa a doogorana hu til ma doogona ni Maray ma Netofatna duk suu vi Zerana. Suu irisi ɓorowi umma ni ko va ma 24,000 na.

¹⁴ Sa doogo yam dewrana hu til ma doogo yam dewna ni Benaya ma Piratonna duk goryoŋ Efrayimma. Suu irisi ɓorowi umma ni ko va ma 24,000 na.

¹⁵ Sa a doogo yam mbarana hu til ma doogo yam mbana ni Helday ma Netofana hu deera vi Otniyella. Suu irisi ɓorowi umma ni ko va ma 24,000 na.

Suu ŋgolona hu deera zeɗ zeɗta

¹⁶ Kay njaf suu Israelna, sa komanda ma kay suu vi Rubenna ni Eliyezer ma goŋ Zikrina, kay suu vi Simeonna ni Sefatiya ma goŋ Maakana.

¹⁷ Kay suu vi Levina ni Hasabiya ma goŋ Kemuelna, kay suu vi Aaronna lay suu vi Sadokŋa lay.

¹⁸ Kay suu vi Yudana ni Elihu duk gorseŋ Davidna. Kay suu vi Isakarna ni Omri ma goŋ Mikaelna.

¹⁹ Kay suu vi Zabulonna ni Isemaya ma goŋ Obadiyana. Kay suu vi Neftalina ni Yerimot ma goŋ Azriyelna.

²⁰ Kay goryoŋ Efrayimma ni Ose ma goŋ Azaziyana. Kay nus njaf suu vi Manasena ni Joel ma goŋ Pedayana.

²¹ Kay nus njaf suu vi Manase suu hu Galaadna ni Ido ma goŋ Zakarina, kay suu vi Benjaminna ni Yasiyel ma goŋ Abnerna.

²² Kay suu vi Danna ni Azarel ma goŋ Yeroamma. Halaŋ ca ni suu ŋgolo suu ay fok suuna hu deera Israellana.

²³ David tli ndum suu basaɗasi col ha kay dok-mba' hoŋ kaŋga nana kaɗi kay ana Yawe di ana nam hin zul njaf suu Israelna ki bolowra ko ciciwra kolo huulonara na.

²⁴ Joab ma goŋ Seruyana gijaŋ ndumusiya, may nam daɓasi ka kiɗi. Kay ndaɗta yara hin kasi ni na, kay ana ndumusi ka ɓiiri kaŋga hu magaara Sunda vi mulna Davidɗi lay.

Suu ɦawa suu hu mul Davidtana min tasiya

²⁵ Tin kay tlesuu vi mulnana ni Azmavet ma goŋ Adiyelna kay tlena usira hin ka ki ŋgoo bagi hu ɦoŋzinara, hu zi ma gorinara ni Yonatan ma goŋ Uziyana.

²⁶ Kay suu li sun horokŋa ŋgoo bagina ni Ezri ma goŋ Kelubma.

²⁷ Kay sene gugutlura ni Simey ma Ramana, kay suu ay hu sene gugutlura a gol u sum veŋ ma hinna ni Zabdi ma Sefamma.

²⁸ Kay ŋgusu conora u ŋgusu tulumma suu hu mbassa kaŋga urana ni Baal-Hanan ma Gederna, kay u mbul ma hinna ni Yoak.

²⁹ Kay yoori suu ŋgolo suu ti haɗna hu Saronna ni Sitray ma Saronna, kay yoori suu ŋgolo suu hu ɦuɗugumbana ni Safat ma goŋ Adlayna.

³⁰ Kay jamballa ni Obil ma Ismaelna, kay korra ni Yediya ma Meronotna,

³¹ kay yoori suu gorina ni Yaziz ma Hagrina. Halaŋ ca ni suu hinisi ki kay a gol u begera vi mulna Davidta.

Suu njun u mulnana

³² David bumbana Yonatanni sa ɦal gaɗta. Nammi sa wi dlara cocona, wi ɓii magaara lay. Yehiyel ma goŋ Hakmonna ni sa haɗ goryoŋ mulnana.

³³ Ahitofel ni sa ɦal gaɗta maŋ mulnana. Husay ma Arkina ni banaŋ mulnana.

³⁴ Suu varak balam Ahitofelna ni Yoyada ma goŋ Benayana u Abiyatar. Ŋgol asgaa ma vi mulnana ni Joab may.