1 DLAŊ MULINARA 24 - Boy Lonana

Dee suu li ɓivunna

¹ Gola dee goryoŋ Aaronna wanni, goryoŋ Aaronna ni Ndab u Abihu, Elazar u Itamar.

² Ndab u Abihu miɗ ki jew busi bay vuɗ goora. Sun mayra li ɓivunna hin ɦaɗ ni maŋ Elazar u Itamar.

³ David may, Sadok may, ni goryoŋ Elazarna. Ahimelek duk goryoŋ Itamarna, ɓorowosi irisi ki u deeresi fun sunusiya.

⁴ Doli ɗini suu vi goryoŋ Elazarna bolowra ni su suu vi goryoŋ Itamarna. Asi ɓorowosi irisi kiyo, suu vi goryoŋ Elazar suu fok suunana ni doogo yam karkiya, goryoŋ Itamar suu fok suunana ni kalavandi.

⁵ Asi ɓorowosi ki ni suu hiŋŋa ko suu wanna na lay, ŋgaɓasi ni ŋgaɓiya kay ana goryoŋ mulina suu li sunda hu li ma li ɓivunnana duk goryoŋ Elazarna suu li sunda vi Lonana ka lay, ko ndal duk goryoŋ Itamarna na lay.

⁶ Semaya, goŋ Nataneyelna, sa wi magaara duk suu Levina, ɓiirisi sesi kaŋga hu magaara fok mulna, fok goryoŋ mul ma li ɓivunna, Sadok u Ahimelek ma goŋ Abiyatarna u suu ŋgolo suu fok suu li ɓivunna u suu vi Levina, dee ta dew asi li ŋgaɓpa kaɗ maŋ Elazar, ta hiŋga olo, hu li ma asi ŋgaɓ ta dewra maŋ Itamar ni na dew daŋ.

⁷ Ŋgaɓpa jewra li ni maŋ Yoyarib ta mbara ni maŋ Yedaya.

⁸ Ta hindira ni maŋ Harim, ta fiɗira ni maŋ Seorim.

⁹ Ta vadlla ni maŋ Malkiya, ta karkiyara ni maŋ Miyamin.

¹⁰ Ta kiɗisiyara ni maŋ Hakos, ta kalavandira ni maŋ Abiya.

¹¹ Ta dleeŋera ni maŋ Yekua, ta doogora ni maŋ Sekaniya.

¹² Ta doogo yam dewra ni maŋ Eliyasib, ta doogo yam mbara ni maŋ Yakim.

¹³ Ta doogo yam hindira ni maŋ Hupa, ta doogo yam fiɗira ni maŋ Yesebab.

¹⁴ Ta doogo yam vadlla ni maŋ Bilga, ta doogo yam karkiyara ni maŋ Imer,

¹⁵ Ta doogo yam kiɗisiyara ni maŋ Hezir, ta doogo yam kalavandira ni maŋ Hapises.

¹⁶ Ta doogo yam dleeŋera ni maŋ Petahiya, ta dok-mbara ni maŋ Ezekiyel.

¹⁷ Ta dok mba' yam dewra ni maŋ Yakin, ta dok mba' yam mbara ni maŋ Gamul,

¹⁸ Ta dok mba' yam hindira ni maŋ Delaya, ta dok mba' yam fiɗira ni maŋ Maziya.

¹⁹ Ɓorowosi irisi ki ni ko ndal wanda na a kal hu Ziŋ Yawera ko gaɗta busi Aaron ɦaɗ ka ko ndal Yawe Lona vi suu Israelna ɦamba kara na.

Njaf suu vi Levi suu hinna

²⁰ Goryoŋ Levi suu hinna ni duk goryoŋ Amramma ni Subael, duk goryoŋ Subaelna ni Yediya.

²¹ Duk goryoŋ Rehabiyana u suu vi goryomma Isiya ni sa ŋgol ma fokosina.

²² Duk goryoŋ Isarna ni Selomot, duk goryoŋ Selomotna ni Yahat.

²³ Duk goryoŋ Hebronna, Yeriya ni ma jewna, Amariya ni ma a mbarana, Yaziyel ni ma a hindirana, Yekamammi ma a fiɗirana.

²⁴ Duk goryoŋ Uziyelna ni Mika, duk goryoŋ Mikana ni Samir.

²⁵ Duk gorseŋ Mikana ni Isiya, duk goryoŋ Isiyana ni Zakari.

²⁶ Duk goryoŋ Merarina ni Mali u Musi, goryoŋ Yaziya gorommana.

²⁷ Goryoŋ Merari suu vi goromma Yaziyana ni Soham, Zakur u Ibri.

²⁸ Duk goryoŋ Malina, Elazar ni sa vuɗ goo kaɗina.

²⁹ Duk goryoŋ Kisna u suu vi goryomma ni Yeramel.

³⁰ Duk goryoŋ Musina ni Mali, Eder u Yerimot. Dee suu vi Levina ni ko wanda na.

³¹ Asi lay ni li ŋgaɓpa ni ko gorsesi suu goryoŋ Aaronna li fok mulna David, Sadok, Ahimelek u suu ŋgolo suu fok suu li ɓivunna suu vi Levina na, dee suu vi mulnana u suu vi wayam ma toɓonana may.