1 DLAŊ MULINARA 2 - Boy Lonana

Njaf suu vi Yudana goryoŋ Yakobma

¹ Gola ni sem goryoŋ Israelna, Ruben, Simeon, Levi u Yuda, Isakar, u Zabulon,

² Dan, Yosef u Benjamin, Neftali, Gad u Aser.

³ Goryoŋ Yudana ni Er, Onan u Sela. Asi hindi halaŋŋi nam vuɗusi ni ko caamba goŋ Sua ta Kanaanda. Na may Er, goŋ Yuda ma jewna, dlara vam fok Yawe nam hin cam kiyo.

⁴ Tamar, caŋ gorommara, hin vuɗum Peres u Zera. Goryoŋ Yudana taɓ halaŋŋi vadl.

⁵ Goryoŋ Peresna ni Hesron u Hamul.

⁶ Goryoŋ Zerana ni Zimri, Etan, Heman, Kalkol u Dara, asi halaŋŋi vadl.

⁷ Goryoŋ Karmina ni Akar ma mba dla cora ay kay Israel vi tam u dlara njenjera doo ki kaɗta.

⁸ Goŋ Etanna ni Azariya.

⁹ Gor suu Hesron vuɗusina ni Yerameel, Ram u Kelubay.

¹⁰ Ram vuɗ Aminadab, Aminadab vuɗ Nason, mul ma vi goryoŋ Yudana.

¹¹ Nason vuɗ Salma, Salma vuɗ Booz.

¹² Booz vuɗ Obed. Obed vuɗ Jese.

¹³ Jese vuɗ Eliab, gorom ma jewna, Abinadab a mbara, Sama a hindira,

¹⁴ Nataneyel a fiɗira, Raday a vadlla,

¹⁵ Osem a karkiyara, David a kiɗisiyara.

¹⁶ Gorsesi suu tamagina ni Seruya u Abigal. Goryoŋ Seruyana halaŋŋi hindi, Absay, Joab u Azael.

¹⁷ Abigal vuɗ Amasa, bu Amasa ni Yeter ma Ismaelna.

¹⁸ Kaleb ma goŋ Hesronna vuɗ gorra u caamba Azuba ta goŋ Yeriyota, gola goryom asina wanni, Yeser, Sobab u Ardon.

¹⁹ Azuba hin miɗ kiyo, Kaleb hin vi Efrata a caamba, ndaɗ hin vuɗum Hur.

²⁰ Hur hin vuɗ Uri. Uri vuɗ Basalel.

²¹ Hesron hin taɓ ko tam u goŋ Makir ma bu Galaadna ɗumuɗu. Na ɗaŋŋi basaɗam ki ni dok-karkiya. Ndaɗ hin vuɗum Segub.

²² Segub vuɗ Yair. Nam u ɦoŋzina kom dok-mba' yam hindi hu mbassa Galaadta.

²³ Na may Gesur u Aran tlasi kaŋ ma Yairna ki kosiya, ɦoŋzi ma Kenatna u ɦoŋzi ma gori ma ŋguy kamma dok-karkiya. Suu asina halaŋŋi goryoŋ Makir ma bu Galaadna.

²⁴ Ŋgoo dagan Hesron miɗ ki miɗ ni, Kaleb taɓ u Efrat ta caŋ bum Hesronda. Ndaɗ hin vuɗum Asehur ma bu Tekoana.

²⁵ Goryoŋ Yerameel suu vuɗ jewna, goryoŋ Jesron suu vuɗ jewna ni Ram ma vuɗ jewna, Buna, Oren, Osem, Ahiya.

²⁶ Yerameel hin ɗum cara daŋga yaɗ ana Atara. Ndaɗ ni su Onam.

²⁷ Goryoŋ Ram ma goŋ Yerameel ma vuɗ jewna ni Maas, Yamin u Eker.

²⁸ Goryoŋ Onamma ni Sammay u Yada, goryoŋ Samayna ni Nadab u Abisur.

²⁹ Sem caŋ Abisura ana Abihal. Ndaɗ hin vuɗum Aban u Molis.

³⁰ Goryoŋ Nadabma ni Seled u Apaim. Seled miɗ ki ni vuɗ goo kaɗi.

³¹ Goŋ Apaimma ni Yisey. Goŋ Yiseyna ni Sesan. Goŋ Sesanna ni Alay.

³² Goryoŋ Yada ma wayaŋ Samayna ni Yeter u Yonatan. Yeter miɗ ki ni vuɗ goo kaɗi.

³³ Goryoŋ Yonatanna ni Pelet u Zaza. Halaŋ ca ni goryoŋ Yerameelna.

³⁴ Sesan vuɗ go njuf kaɗi may vuɗ ni gorɓiina. Sesan sa mbaɓuna varam dew yam ana Yara.

³⁵ Sesan ɦal goromba maŋ mbaɓu mamma Yara a cara. Ndaɗ hin vuɗ Atay.

³⁶ Atay hin vuɗ Natan, Natan vuɗ Zabad.

³⁷ Zabad vuɗ Eflal, Eflal vuɗ Obed.

³⁸ Obed vuɗ Yehu, Yehu vuɗ Azariya.

³⁹ Azariya vuɗ Heles, Heles vuɗ Elasa.

⁴⁰ Elasa vuɗ Sismay, Sismay vuɗ Salum.

⁴¹ Salum vuɗ Yekamiya. Yekamiya vuɗ Elisama.

⁴² Goŋ Kaleb ma wayaŋ Yerameelna ni Mesa gorom ma vuɗ jewna ma bu Zifna u goryoŋ Maresa ma bu Hebronna.

⁴³ Goryoŋ Hebronna ni Kora, Tapua, Rekem u Sema.

⁴⁴ Sema vuɗ Raham ma bu Yorkoama, Rekem vuɗ Samay.

⁴⁵ Goŋ Samayna u Maon, Maonni bu Bet-Sur.

⁴⁶ Eifa, banaŋ Kalebba, vuɗ Haran, Mosa u Gazez. Haran vuɗ Gazez.

⁴⁷ Goryoŋ Yadaina ni Reguem, Yotam, Gesan, Pelet, Eifa u Saaf.

⁴⁸ Banaŋ Kalebpa, Maaka, vuɗ Seyer u Tirana.

⁴⁹ Ndaɗ hin vuɗ Saaf ma bu Madmanana, Seva ma bu Makbena u Gibeana. Goŋ Kaleb ta tamara ni Aksa.

⁵⁰ Halaŋ ca ni goryoŋ Kalebma. Goŋ Hur ma nam vuɗum jew ko Efratana ni Sobal ma bu Kiriyat-Yearimma.

⁵¹ Salma ma bu Betlehemma, Haref ma bu Bet-Gaderna.

⁵² Sobal ma bu Kiriyat-Yearimma vuɗ gora, nus njaf suu Manatna.

⁵³ U dee suu Kiriyat-Yearimma ni suu Yitirna, suu Putna, suu Sumatna u suu Misrana. Njaf suu Soreatna u suu Estolna kal ay ki ni egesiya.

⁵⁴ Goryoŋ Salmana ni Betlehem, suu Netofatna, suu Atrot-Bet-Yoavna, nus suu Manatna, suu Sorena.

⁵⁵ U dee suu Sofrit suu cuki hu Yaebesna, suu Tireatna, suu Simeatna, suu Sukatna. Halaŋ ca ni suu njafasi col ay eg Hammat ma bu zi ma Rekavna.