Pampujiam 1 - Bambam

Suha' Uhuna: Pampujiam 1–41 Lingkana to meada' anna lingkana to tameada' 1:1-6

¹ Maupa' anna katambasam hupatau to tä' muola lalanna to tameada', tä' pada ke'de' to madosa, anna tä' pada isu' to mantelle,

² sapo' umpohä'di' Paondom DEBATA, anna napasalui penaba allo bengi.

³ Tau ia too sihhapam kaju ditanam dio handam salu, si kembua ke lambi' oom wattunna, anna tä' deem malasso daunna, ingganna pattujunna sule lako asam.

⁴ Sapo' tä' ia susi to tameada': sihhapam ia pa'tappiam naliliam hibu'.

⁵ La susim too to tameada' la napassala Puang Allataala, susi siam duka' to madosa tä' la mentama alla'-alla'na to meada'.

⁶ Aka lingkana to meada' naundu' anna napatette DEBATA, sapo' lingkana to tameada' tinanda ia lako kamateam.