Yoshua 16 - NTSHOB NSITsha' tse bo fà nzwit Efraim nà 1 Tsha' tse tô na' mfà tse bon Yosèf là ke nto' à ntumnyam, Yordan z'a Yériko là nèn nze num ntse Yériko, nèn nze kônkwa z'a be nko' Yériko nkum num mbat Bétél là. 2 Ndùnsi lo ke nèn mbwe Bétél nkum Luz, ntshùa num ndùnsi Arkia, ntôg à Atarot. 3 Ndùnsi lo ke ndo bwe nswe' mbinyam nèn nze ndùnsi ba Yaflét tà nkum num ze Bét-Horon z'a mà tun nà; nkum Guézer, nswe' ndùlala tà nkum dibantse. 4 A bwe là ze bon Yosèf, Manasé bo Efraim kwé mub ntsi' là. 5 Tshù tse tsha' bon Efraim ni, ndaṅndaṅ mba tshob tunndà be là. Ndùnsi mub ntsi' lo be ntumnyam mb'a Atarot-Addar tà nkum Bét-Horon z'a mfe tu là. 6 A lo ke nswe' mbinyam nèn nze Mikmetat, z'a tu là; ndo bwe ntshùa ntumnyam nze Taanat-Silo, ntôg bwe ntshùa Yanoash kà nkum ntumnyam. 7 Ndùnsi lo ke ndo Yanoash nswe' Atarot bo Naarata, nkwag Yériko nzin ndùlala tà nkum Yordan. 8 A lo ke ndo Tappuash nèn nze mbinyam nkum fub Kana kà ṅwag dibantse. Tshù mba mi ntsi' nzwit bon Efraim be là, ndaṅndaṅ mba tshob tunndà be là. 9 Bon Efraim lo ghù memo' ntusô boa ntaṅla' netèt mi ntsi' bon Manasé, ndaṅndaṅ mba tshob tunndà be là. 10 Bo lo ke ta' ba Kanaan tse bo ke ntswe Guézer là; ba Kanaan be nke nke' ntswe netèt Efraim tà nkum sènni; là, bo be nke nke' mfa' bo njoṅ ndù fa. |
La Sainte Bible en Bamiléké-Medùmba © Alliance Biblique du Cameroun, 1993. All rights reserved.
Bible Society of Cameroon