Yoshua 15 - NTSHOB NSI

Tsha' tse bo fà nzwit Yuda là

¹ Bag tsha' tse tô na' mfà nzwit Yuda ndaṅndaṅ mba tshob tunndà be là. A na' mb'a bag ngô z'a tshù nze ntèn nà, nswe' ndùlala tà nkum ntèn, num ze ndùnsi Edom, mbaṅ kônkwa Tsin.

² Yub ndùnsi mà ntèn ke nto' à tu dibantse ngwa, num kuntse z'a nèn nze mà ntèn nà.

³ A lo ke nswe' tà nkum tun dù' ko'ko' Akkrabim, ntôg Tsin nko' tun Kadèsh-Barnéa, ntôg Hesron, nko' nze Addar, nkaṅ ntshùa Karkaa.

⁴ Ndùnsi là lo ke mbèn Atsmon nèn tà nkum fub s'a Egipto là, nswe' ndùlala nkum dibantse. Tshù ndùnsi zin nà mà ntèn.

⁵ Ndùnsi z'a be bag ntumnyam nà na' mb'a dibantse ngwa tà nèn nkum mbumte Yordan bo dibantse. Ndùnsi z'a be tu là lo ke ndo num ku dibantse z'a b'a mbumte Yordan bo yi là.

⁶ Ndùnsi lo ke ndo nèn nze Bét-Hogla, ntôg tu Bét-Araba tà nèn nkum num loṅ Bohan, nshum Rubèn.

⁷ Ndùnsi lo ke ndo ntshùa Debir, ntôg ngelaṅ tômbo' Akkor, ntôg nze tu nze bag Guilgal z'a se dù' ko'ko' Adummim, num bag fub s'a tshù mà ntèn nà. A lo tôg mbaṅ ntse En-Shemesh, nèn tà nkum En-Roguel.

⁸ Ndùnsi lo ke nko' bwe, ntshùa num tômbo' Ben-Hinnom nze bag Yebus z'a ntèn nà. Yen Yébus là b'a Yérusalém z'a ke nko' tà nkum ntshùa mbat z'a be mbwe tômbo' Hinnom bag mbinyam nà, nèn tà nkum tôg tômbo' Refaim z'a be tu là.

⁹ A lo ke ndo ntshùa mbat nèn tà nkum dù' ze ntse Neftoash be ntum nà, nèn be ndùlala nkum ntusô mi a num mbat Efron nà, nkum Baala z'a be Kirjat-Jearim nà.

¹⁰ Ndùnsi lo ke ndo Baala ndiaṅ bag mbinyam, ntôg nze mbat Seir, ndut nze bag mbat Jearim z'a tshù ntèn nà, Kesalon, nswe' ndùlala Bét-Shemesh, ntôg Timna.

¹¹ Ndùnsi lo ke ntôg nsen nà nèn ntshùa num bag Ekron z'a ntèn nà, nèn tà nkum Shikron, ntshùa num mbat Baala, nèn ntôg tà Yabnéel nèn nkum dibantse.

¹² Ndùnsi z'a be mbinyam nà b'a dibantse ndùb. Tshù tse ndùnsi bon Yuda num bag tse fa là. A ndùlala ndaṅndaṅ mba tshob tunndà be là.

¹³ Bo fà mo' ze bag tsha' Kaléb nshum Yéfoné netèt bon Yuda, ndaṅndaṅ mba Tshùaben na' ntshob Yoshua là. Bo fà Kirjat-Araba z'a b'a Hébron nà yi. Araba na' mb'a tà Anak.

¹⁴ Kaléb yoṅ bon Anak tse bo be bwe là: Shéshaï, Ahiman bo Talmaï, bon Anak.

¹⁵ A lo bwe, nko' nkam ben bo be Debir là. Bo na' nke ntsiaṅ Debir mo' ngelaṅ à Kirjat-Séfer.

¹⁶ Kaléb tshob ndù: Me nsi fà ngon àm Aksa mba we lo z'a nsi ma' Kirjat-Séfer ntsho lo' i là; ngon àm tù' nzwi ng'é.

¹⁷ Otniél nshum Kenaz mfèt Kaléb lo' ngô Kirjat-Séfer. Ndùlala Kaléb fà ngon i Aksa yi, a be nzwi i.

¹⁸ Ndùse Aksa tsho ndà Otniél là, a tshob yi ndù a lon nà tàab. Aksa swe' num kekwèn i, Kaléb tshob yi ndù: A nu ke?

¹⁹ A bùnte ndù: A bwô o fà dù' tsha' me, nummb'o na' mfà à nda' kônkwa me ntèn. Fà mba tôntse me. Ndùlal'a fà ntôntse mi mfe tu mba mi mà tun yi.

²⁰ Tshù ntsi' bon Yuda là, ndaṅndaṅ mba tshob tunndà be yi là.

²¹ Ntusô mi a be bag mà ntèn nà; neto' tôg tsha' nzwit bon Yuda nèn nkum num ndùnsi Edom, tshù ntusô mi a be bwe li: Kabtséel, Eder, Yagur,

²² Kina, Dimona, Adada,

²³ Kédesh, Hatsor, Itnan,

²⁴ Zif, Télem, Bealot,

²⁵ Hatsor-Hadata, Kerijot-Hesron z'a b'a Hatsor là,

²⁶ Amam, Shema, Molada,

²⁷ Hatsar-Gadda, Heshmon, Bét-Palet,

²⁸ Hatsar-Shual, Ber-Shéba, Bizjotja,

²⁹ Baala, Ijjim, Atsém,

³⁰ Eltolad, Kesil, Horma.

³¹ Tsiklag, Madmanna, Sansanna,

³² Lebaot, Selim, Aïn bo Rimmon. Njoṅ ntusô fa lo tamte mbe ntshob bwe' ṅam mbàa boa ntaṅla' mube.

³³ Ntusô mi a be tômbo' là: Eshtaol Tsoréa, Ashna,

³⁴ Zanoash, En-Gannim. Tappuash, Enan,

³⁵ Yarmut, Adullam; Soko, Azéka,

³⁶ Shaaraim, Aditaim, Guedérotaim, ntusô ntshob kuà gham boa ntaṅla' mube.

³⁷ Tsenan, Hadasha, Migdal-Gad,

³⁸ Diléan, Mitspé, Yokteél,

³⁹ Lakis, Botskat, Eglon,

⁴⁰ Kabbon, Lakmas, Kitlish,

⁴¹ Guederot, Bét-Dagon, Naama bo Makkéda. Njoṅ i fa ntusô ntshob ntshù' gham boa ntaṅla' mube.

⁴² Libna, Eter, Ashan,

⁴³ Yiftak, Ashna, Netsib,

⁴⁴ Keila, Akzib bo Marésha. Njoṅ i fa ntusô bwe'e boa ntaṅla' mube.

⁴⁵ Ekron, ntusô mi a ghebte mbaṅ i là boa ntaṅla' mube;

⁴⁶ neto' Ekron nkum dibantse, ntusô mi a ghebte num Asdod là boa ntaṅla' mi a be mbinyam nà.

⁴⁷ Asdod boa dù' ts'a mbaṅ bwe là boa ntaṅla' mi; Gaza boa dù' ts'a mbaṅ bwe là, boa ntaṅla' mi tà nèn nkum fub s'a Egipto là, tà nèn nkum dibantse ndùb z'a ndùnsi là.

⁴⁸ Ntusô mi a be num mbat là: Shamir, Yattir, Soko, Danna,

⁴⁹ Kirjat-Sanna z'a be Debir là,

⁵⁰ Anab, Eshtemo, Anim,

⁵¹ Gosen, Holon bo Guilo. Njoṅ i fa ntusô ntshob ntshù' gham boa ntaṅla' mube.

⁵² Arab, Duma, Eshean,

⁵³ Yanum, Bét-Tappuash, Aféka,

⁵⁴ Humta, Kirjat-Araba z'a be Hébron bo Tsior là. Njoṅ i fa ntusô bwe'e boa ntaṅla' mube.

⁵⁵ Maon, Karmél, Zif, Yota,

⁵⁶ Yizréel, Yokdéam, Zanoash,

⁵⁷ Kaïn, Guibéa bo Timna. Njoṅ i fa ntusô gham boa ntaṅla' mube.

⁵⁸ Halkul, Bét-Tsur, Guedor,

⁵⁹ Marat, Bét-Anot bo Eltekon. Njoṅ i fa ntusô ntôg boa ntaṅla' mube.

⁶⁰ Kirjat-Baal z'a be Kirjat-Jearim nà bo Rabba. Njoṅ i fa ntusô mbàa boa ntaṅla' mube.

⁶¹ Ntusô mi a be kônkwa là: Bét-Araba, Meddin, Sekaka,

⁶² Nibshan, Ir-Hammelash bo En-Guedi. Njoṅ i fa ntusô ntôg boa ntaṅla' mube.

⁶³ Nda' ndù bon Yuda lo ke ku'ni neta' ba Yébusia tse bo ke ntswe Yérusalém nà. A ndùlala ba Yébusia be nke nke' ntswe Yérusalém mba sènni, netèt bon Yuda.