Yoshua 12 - NTSHOB NSI

Ndèn fenfen tse bon Israél ton yub ntsho là

¹ Tshù fenfen tse bon Israél na' ma' yub ntsho, kà ndo' ngô yub mo' yoṅ Yordan ni. A b'a bag ntumnyam, neto' fub ntse s'a Arnon nà tà nkum num mbat Hermon boa njoṅ tômbo' fa s'a bag ntumnyam nà.

² Sion mfen Amor z'a ke ntswe Hesbon nà. Njoṅ ze netô fa lo ke ndo Aroer z'a be mbaṅ fub ntse là, bo mo' ta' kam ngô Galad tà nkum fub ntse Jabbok. A b'a ndùnsi bon Ammon;

³ nto' tômbo' nèn nkum dibantse Kinnéret z'a ntumnyam nà, nèn nkum dibantse z'a tômbo' là, dibantse ngwa nze tômbo' Bét-Yesimot; mbe mà ntèn nze mbaṅ Pisga.

⁴ Og mfen Basan, lo tù' a tù' i ben Refaim z'a na' nke ntswe Ashtarot bo Edrei là.

⁵ Njoṅ ze netô fa lo ke ndo num mbat Hermon, Salka, num njoṅ Basan fa nèn nkum ndùnsi ba Guershom bo ze ba Makatia mba mo' kam tsha' Galad, bo ndùnsi Sion mfen Hesbon.

⁶ Mosé ngafa' Tshùaben boa bon Israél lo' ntsho nton yub yi. Mosé ngafa' Tshùaben fà ngô yub ben Rubèn, ben Gad bo ta' kam nzwit Manasé mba ntsi' là.

⁷ Tshù fenfen ntùm ngô tse Yoshua boa ba Israél na' ndo' yub mo' yoṅ Yordan nze bag mbinyam ni. A to' fe Baal-Gad ntùm tômbo' Liban nèn nkum num mbat banban z'a be nze Seir là. Yoshua lo fà yen ngô là njoṅ nzwit ba Israél fa, ngabte bo ndaṅndaṅ mba tunndà tshob be yi là.

⁸ A fà mba ze we lo num mbale, tômbo'o, ngô kù'kù', num nkônga, mà ntèn: A na' mb'a ngô ba Hétia, ba Amor, ba Kanaan, ba Férésia, ba Hévia boa ba Yébusia.

⁹ Tshen fenfen b'a: Mfen Yériko, mfen Aï mbaṅ Bétél,

¹⁰ mfen Yérusalém, mfen Hébron,

¹¹ mfen Yarmut, mfen Lakis,

¹² mfen Eglon, mfen Gazer,

¹³ mfen Debir, mfen Gader,

¹⁴ mfen Horma, mfen Arad,

¹⁵ mfen Libna, mfen Adullam,

¹⁶ mfen Makkéda, mfen Bétél,

¹⁷ mfen Tafua, mfen Héfer,

¹⁸ mfen Afék, mfen Saron,

¹⁹ mfen Madon, mfen Hatsor,

²⁰ mfen Shimron-Merom, mfen Akshaf,

²¹ mfen Tanak, mfen Megiddo,

²² mfen Kédesh, mfen Yoknéam,

²³ mfen Dor, num dù' mbù'mbù' Dor, mfen ba tum ghakelèn Nsi Galiléa,

²⁴ mfen Tirsa. Njoṅ yub fa tamte mbe fenfen ntu ntshob ntshù' ṅam ntat.