Yobkwi 93 - NTSHOB NSI

Tshùaben b'a mfen

¹ Tshùaben be nsa' njù, ndù a ma' nkuni num i, Tshùaben ma' ngù' num i, ntaṅ i tun i. Ndùlala njù féb nsi, ke bèn nke nyi'te.

² O lo te ko'fen so nsi fe neto'te. A b'a be wù bèn nke mbe Nsi.

³ O Tshùaben, nta'ntse tshag nze tshob tù, nta'ntse tshag nze tshob tù, nta'ntse tshag nze tshob tù nke ntshu'u;

⁴ a zi ntshùa nze ntse ndùbndùb, nzi ntshùa ntshu' dibantse. Tshùaben z'a be mfe kamànyam nà zi neshu.

⁵ Yu kwénta b'a nenùne. Nelàn be mbe ndà o mebwô. O Tshùaben! A ke mbe ndùlala num njoṅ ngelaṅ fa.