Yobkwi 87 - NTSHOB NSI

Sion, b'a ko' ngô bwoṅ benntùn

¹ Yobkwi bon Koré, Yobkwi. Bo te i num ba mbat nelàne.

² Tshùaben be nkô tse nzendà Sion, ntshùa njoṅ tse dù'ntswe Yakob fa.

³ Bo lo tshob tshu nekuni num tu o, wù ngô Nsi.

⁴ Me be nsoṅ tshô Egipto mba Babilon netèt ben tse bo lèn àm nà. Tshù ngô ba Filistia, Tiro boa Etiopia li: Bo bwe yub à ntùm Sion.

⁵ Bo tshob num Sion ndù: A b'a mà, nummbe bo bwe njoṅ benntùn fa à bwe. A b'a Nsi z'a be mfe tù là bèn nte nkul i.

⁶ Tshùaben be mbe kite ndèn benntùn nke nsiaṅte. A b'a dù' ze bo bwe yub bwe là.

⁷ Ben tse bo tshwèt njob kwi mba ben tse bo tshwèt nyiaṅ nà nke nkua' ntshob ndù: Njoṅ yàm tumnsi ntse fa b'a num o.