Yobkwi 85 - NTSHOB NSI

Tshùaben tshob nu num fite

¹ Ntshagte yobkwi; se bon Koré.

² Tshùaben, o lo fà kondèn o ngô o. O lo lo' kuan ntsho Yakob mbèn yi njam.

³ O lo lagte mfànnu yu nzwit mèn. Nkabte njoṅ nukebwô tse fa.

⁴ O lo sô njoṅ tonkèt tshùagntù o fa, ndo' yantù o mbèn yi njam.

⁵ Nsi ngayôg yag, bèn mbù'te yage. Kôgte yantù z'o ghù num bag là.

⁶ O nsi ke ya ntù bag à njoṅ ndù fa ké? Yantù o nsi ke nèn mbwe à matmat ké?

⁷ O ke nsi bèn fà yôg bag, ndù yu nzwit mèn tsiaṅte num o ké?

⁸ Tshùaben la'te kondèn o num bag. Fà yôg so bag!

⁹ Me nsi ju' ju ze Tshùaben tshob là. Nummb'a be ntshob nu fite ze nzwit mèn mba ben tse tse nenùne, a be ze bo ke' bèn ngwù ntùm bà là.

¹⁰ Ṅ, yôg se b'a mbaṅ ben tse bo be mbwôg i là. Ndùlala ndù ghamte tswe ntùm ze be ngô.

¹¹ Kondèn mba nenùn bumte. Nunetsin mba fite tate.

¹² Nenùn bit ntùm tsha'a. Nunetsin tsin mfe kamànyam nke ndôte dù'.

¹³ Tshùaben nsi fà mba fu'. Tsha' be nsi fà ntàm mi.

¹⁴ Nunetsin nsi zin mbwe i; a nsi faṅ ntshùa mi num manze.