Yobkwi 82 - NTSHOB NSI

Nsi bèn mbe ngatsho'te njoṅ ben fa

¹ Yobkwi Asaf. Nsi tsin mum mbumte ba nsi. A tshwèt ntsho'te ntsha netèt ba nsi:

² Bin nsi ke lo' tatte tsho'te ntsha yi tà kum à ndùke? Bin nsi ke be njam ghatshùagntù tomte yub tà kum à ndùke?

³ Bin ghù nu z'a tsin nà mèn nebole, mba ménntse. Bin ghù nu ndaṅndaṅ ngayennge' mba mbwoṅ.

⁴ Bin yôg ngayennge' mba mbwoṅ. Bin tshu' yub bu ghatshùagntù.

⁵ Bo ke' lèn mo' ju, ke bèn ngù zenu. Bo ke nzin à ntùm njame. Njoṅ tun tsha' fa vètte.

⁶ Tu wul àm, me lo tshobe: Bin b'a ba nsi. Njoṅ zin fa, bin b'a bon Nsi z'a mfe tù là.

⁷ Mba ndùlala bin be nkwù mba benntùn nà. Bin nsi vù mba mba zit mén mfen no là.

⁸ O Nsi, lo nsi ntsho'te ntsha nsitsha'a, nummb'o be nsa' njoṅ ngôngô fa.