Yobkwi 8 - NTSHOB NSI

Ghamte Nsi bo neghu' mèn

¹ Ntshagte yobkwi. Num loṅe. Yobkwi David.

² Tshùaben Nsi yag, lén so b'a se nekuni num njoṅ nsitsha'a fa! O yab nkuni mu mfe kamànyam.

³ O be ntshùa num bônke' mba bonfi nte dù'ntswe o ze neta mbwe ghakeban tsho, mbiagte ghakeban mba ghatatu.

⁴ Me num ndôte maṅwù mba nsa mi o tete là,

⁵ ntshob ndù mènntùn b'a ke, k'o nke nkwimt'é, mén Adam b'a ke, k'o nke nkwimt'é ndù à?

⁶ O lo nabt'é, a nèn nebe mba ba Angél là; là nso ghamte mba nkuni num i;

⁷ o lo lo' i ngù mfen fa' mbu mu yi, njab njoṅ i fa tun nku mi:

⁸ Njùmbwe mba na', njoṅ yub fa, mba nyàm tse bo be ntswe tshwèt là,

⁹ bon nsaṅ mfe kamànyam mba ngontse tse bo ntùm dibantse là, nyàm tse bo be nzinte ntùm ba ntse là.

¹⁰ Tshùaben Nsi yag, lén so b'a se ndùb num njoṅ nsitsha' fa.