Yobkwi 79 - NTSHOB NSIBag vù nsi, se' njwimte yage 1 Yobkwi Asaf. O Nsi! Ba tum lo' ntsi' mu. Bo bagte ndà o ze nelàne. Bo lo' Yérusalém ngù fèt ndoṅ yi. 2 Bo fà fe ghafa' tsho bon nsaṅ mfe kamànyam num jujù yube. Mfà mbàb wut ben tsho tse nenùn nyàm tse bo be nsitsha' là. 3 Bo fètte lem tshob mba ntse là, ndiaṅ Yérusalém yi mbume. Sàm mèn lo ke be z'a tshoṅ yub là. 4 Bag tù' à ju tshabte mbwe ba ndùla' bag. Ntù' ju komzwi mba ju tuswe mbwe ben tse bo diaṅ yag mbum nà. 5 Tshùaben, o nsi ya ntù ke tsin tà kum à ndùke? Yantù o nsi ke kù mba mbwôg là tà kum à ndùke? 6 Sa tshùagntù o mum ngô ts'a ke' lèn o là. Sa yantù o num nufen ts'a ke' be tsiaṅ lén so là. 7 Nummbe bo ghom Yakob, nsate dù'ntswe i. 8 Kà bèn nekwimte nukebwô tà njam tshage! A bwô ndù kondèn o se' mbwe bag ndende. Nummbe bag b'a kua' ghayennge'. 9 Nsi ngayôg yag, ywimte yag num ghamte lén so! Tshu' yage, ndagte nukebwô tshag num nu lén so! 10 Be ba tum tshob ndù: Nsi yub b'a yà numke? A bwô ndù bo lèn mbwe bag, netèt ba tum, ndù o yagte mba' lem ghafa' tsho, lem tse bo na' mfètte là! 11 A bwô ndù nzi' kuan tsho se' ntam toṅ o! Tshùa njam bu o ze neta njôg ben tse bo ghebte mbaṅ vù là. 12 Ba' tshabte ba ndùla' bag bo yoṅ sammbàa tà ntùm ntù tshobe. Me tshob à tshabte tse bo na' ntshabt'o yi là me Tshùaben! 13 Mbe se' mba yu nzwit mèn nà, bwoṅ nyàm z'a ntùm so kin nà, bag nsi ke ghamt'o matmat. Bag nsi soṅ nkuni mu ngu'ngu'. |
La Sainte Bible en Bamiléké-Medùmba © Alliance Biblique du Cameroun, 1993. All rights reserved.
Bible Society of Cameroon