Yobkwi 76 - NTSHOB NSI

Nsi bagte ntsho Sion

¹ Ntshagte yobkwi, num ndoṅ nse'e. Yobkwi Asaf.

² Bo lèn Nsi mà Yuda. Lén se b'a se ndùb mà Israél.

³ Ntàb i te à mà Salém, dù'ntswe i be mà Sion,

⁴ a bwe là z'a be'te nkét, tshètntsho, ṅwi mba tshu ntsho là.

⁵ O be nkuni, nta ntshùa ba mbat ts'a tswe matmat là.

⁶ Ghatshùa ntsho tù' ntsha' ntsho. Bo vù miaglo. Njoṅ ben neta fa ke' bèn ngù ngù'.

⁷ Nsi Yakob, a lo be mb'o tshobte yub là, ghako' nyàm mba ba nyàmdiaṅ tsin.

⁸ O Nsi, o be nkuni neshu. We z'a ku'ni netsin mbwe o ngelaṅ yantù o kamte l'à?

⁹ O be ntsin tà mfe kamànyam naṅ ntsha, nsitsha' bwôg, ntswe ntshu mi'i.

¹⁰ Ngelaṅ Nsi lo nsi neghù nunetsine, neyôg njoṅ ghayennge' fa num nsitsha' là,

¹¹ mba ngô Edom nsi ghamt'o ntùm yantù i. Ben tse bo ke' ntùn mà Hamat là nsi nyàmt'o. mènntùn be ngamt'o mba ntùm yantù i.

¹² Bin ghù nka'ni Tshùaben, Nsi zin, mbèn nzwiagte tshen nka'ni là. A bwô ndù ben bo diaṅ i mbum nà fà ba nda' Nsi nekuni.

¹³ A be mbiagte ko'te wut kamkame. A be nkuni netèt fenfen nsitsha'a.