Yobkwi 70 - NTSHOB NSI

Tshùaben, se' nde

¹ Ntshagte yobkwi. Yobkwi David. Num nekwimte.

² O Nsi, nànte ntshu' àm! Tshùaben, nànte njwimt'àm!

³ A bwô ndù tuswe ko ben tse bo be ndiag nezwi àm nà. A bwô ndù ben tse bo be ndiag ndù me bi là be bèn njam tuswe ko yube.

⁴ A bwô ndù tuswe bèn ndo' yub mbèn yi njam. A bwô ndù tuswe lo' ben tse bo be ntshob ndù: Ah! Ah! Là, mbèn yi njam.

⁵ A bwô ndù njoṅ ben fa tse bo be ndiag o là be ntùm ṅwate mbèn ntsiaṅte num o. A bwô ndù ben bo be nkô yôg s'a fe wù là, ke ntshob ke tsin ndù: Nsi zi neshu.

⁶ Tu wul àm, me b'a mbwoṅ mba ngayennge': O Nsi, nànte nse' mbaṅ àm! O b'a ngaywimt'àm mba ngatshu' àm. Tshùaben, kà ghubte!