Yobkwi 61 - NTSHOB NSI

Me kô neyôg à be ntùm ndà

¹ Ntshagte yobkwi. Num ndoṅ nse'e. Yobkwi David.

² O Nsi, ju' nkua' màm. Kù' ntoṅ num yàm le'te.

³ Me be ntsin mo' bag njù nke nkua' wù, ndù ntù àm à fam tse. Lo' àm nèn yi num ngabloṅ ze be me ke kum bwe yàm tu là.

⁴ Nummb'o b'a yàm ndàlem, yàm ba' nebéb ngô ze neta, z'a tsin mbwe ngakeban nà.

⁵ Me lo nkô netswe ntùm yu ntàb à matmat. mfite bam mbàb mu.

⁶ Nummbe wù Nsi, o num mbam nka'ni mi me tshob là ntsi' ben tse bo be mbwôg lén so là me.

⁷ Kwi'te lé'njù yàm num tse lé'njù mfen, ndù ngu'njù tse nèn mbwe, ntswe ngu'ngu'.

⁸ A bwô ndù a tswe num ko'fen se matmat mbwe Nsi! Ghù kondèn o mba nenùn o ke ndôt'é.

⁹ Ndùlala me nsi ke yob kwi ke tsin num lén so. nke ngù ndù nka'ni màm ke mbumte njoṅ lé'njù fa.