Yobkwi 54 - NTSHOB NSI

Nsi tsiaṅ mèn bo tsho' nku mi kebàn na

¹ Ntshagte yobkwi. Num ndoṅ nse'e. Yobkwi David.

² Ngelaṅ ze ba Zif na' nse' ntshob Saulo ndù David b'a netèt bo là.

³ O Nsi, tshùa njam lén so njôg àm. Tshùa njam yu neta, ngù nunetsin me!

⁴ O Nsi, ju' le't'àm. Kù' ntoṅ num ntshob mi a tum ntshu àm nà.

⁵ Nummbe ba tum lo nsi num àm, ghafètte lem tshwèt nkô nebiagte yôg sàm. Bo ke' be yab nkwatenu mub num Nsi.

⁶ Tshù, Nsi b'a ngaywimt'àm. Tshùaben b'a ngatomte zwiag sàm.

⁷ Nukebwô vù tu ghamaṅt'àm Nsi biagte yub ntùm yu nenùne.

⁸ Me nsi fà tshu nele't'o yi ntùm ntù mebwô. O Tshùaben, me nsi nyàmte lén so, nummb'a bwô.

⁹ Nummb'a be ntshu' àm num njoṅ nge' àm fa. Me be nzwi tshàm ngelaṅ me yen ghakeban tshàm nà.