Yobkwi 48 - NTSHOB NSI

¹ Yobkwi. Se bon Koré.

² Tshùaben b'a mèn ndùb, a nku'ni ndù bo fà ghamte yi; ntùm ngô Nsi yag. Mbal i ze nelàn,

³ b'a mbwô kônga, mbe tsiaṅte njoṅ nsitsha' fa. Mbat Sion z'a be mfe tu là, b'a ngô mfen ndùb.

⁴ Nsi tswe netèt ntshwèl i, nda'te wul i be mba ndàlem ndùb là.

⁵ Fenfen lo tamte nke nzin bwoṅ ntshù'.

⁶ Bo lo yene, nu lo tshùa yube. Bo lo bwôge, bo lo kù nène.

⁷ Nevètte lo tshùb yub bwe ndaṅndaṅ mba ya be ntshùb mènnzwi ngelaṅ a tshwèt mbwe là.

⁸ Nevètte lo tshùb yub bwe mba fetmbaṅ z'a be mfe bag ntumnyam mbe'te nsitima mi a fe Tarsis là.

⁹ Ju ze bag na' nju' bo nke ntshob là, bag lo yene, ntùm ngô Nsi yag, ntùm ngô Tshùaben tàndà ntsho. Nummbe Nsi ghù a tswe ngu'ngu'.

¹⁰ O Nsi, bag be nkwate kondèn o ntùm ndà o.

¹¹ O Nsi, ndaṅndaṅ mba lén so là, yu ghamte nsi ju'ni tà nèn kum num ntôgnjù. Bu o ze zwim dun nunetsine.

¹² Mbat Sion tshwèt ntsiaṅte. Mum ngô Yuda tshwèt ṅwate num nu tsho tsho'te ntsha.

¹³ Bin lam ntùm Sion mbume, bin lam njoṅ dù' fa mbume, nsiaṅte njoṅ ndà nebéb ngô tse fa.

¹⁴ Bin lôte ze kàbngô, bin zinte ntùm ntshwèl i, ndù bin ghù nsoṅ ben tse bo nsi tum mànjam nà;

¹⁵ ndù Nsi z'a be Nsi yag là tswe ngu'ngu'. A nsi tshagte yag njoṅ ndù fa.